Տպել
Մեզանից շատերն են կյանքում փորձել ներկել մազերը հինայի միջոցով և շատ տեսակետներ են լսել այս միջոցով մազերի խնամքի մասին: Մյուս կողմից, որոշ ոճաբաններ ու վարսահարդարներ միաձայն պնդում են, որ հինան չարիք է: cosmo.ru կայքը ներկայացրել է մի քանի կողմ և դեմ տեսակետներ, որոնք կօգնեն ձեզ կողմնորոշվել:
Դրական տեսակետներ
- Հինան բնական միջոց է, որը ստանում են լավսոնիայի (Lawsonia՝ հինայի ծառ) տերևներից:
- Հինան հոգ է տանում մազերի մասին՝ դրանք դարձնելով ավելի ամուր, փայլուն և էլաստիկ:
- Հինան մազերին բնական կարմրավուն երանգ է տալիս, որին դժվար է հասնել քիմիական ներկերի միջոցով:
- Հինան վերականգնում է գլխամաշկի թթվային ալկալային բալանսը, հանգստացնում է այն և քիմիական ներկերի արդյունքում առաջացած քորը:
- Հինան չի պարունակում ամիակ, թունավոր չէ:
- Հինան բուժում է թեփն արագ և արդյունավետ
- Հինան մազերի վրա թափանցիկ թաղանթ է ձևավորում, որը մազի մեջ է պահում բոլոր օգտակար բաղադրիչներն ու սննդարար տարրերը, և պաշտպանում է մազն արտաքին ազդեցություններից:
- Հինան էժան և շատ մատչելի է:
- Հինայի միջոցով ստացված երանգը չի լվացվում մազերից:
- Հինան հեշտ է օգտագործել:
Բացասական կողմերը
- Հինայով ներկված մազերն անհնար է ներկել: Հինայի մասնիկներն ամրանում են մազերին, իսկ թաղանթը թույլ չի տալիս ներկին կպչել մազերին:
- Հինան չորացնում է մազերը: Կանոնավոր օգտագործման դեպքում բարակ մազեր ունեցողների մազերը սկսում են ճյուղավորվել:
- Հինայով ներկելու գործընթացը մի քանի ժամ է տևում:
Ինչպե՞ս ճիշտ օգտվել հինայից
Եթե ձեր մազերը հասնում են թիակներին, ապա ձեզանից կպահանջվի 500 գրամ հինա, եթե մազերի երկարությունը մինչև ծնոտն է, ապա՝ 200 գրամ: Ձեզանից կպահանջվի հինա, կաթ և տարա: Եթե յուղոտ մազեր ունեք, ապա կաթը փոխարինեք ջրով, որի մեջ մի քիչ կիտրոնի հյութ ցողեք:
Հինան լուծեք կաթի կամ ջրի մեջ, մինչև խյուսանման զանգված ստանալը: Կափարիչը ծածկեք և թողեք մնա 10-12 ժամ:
Մազերը լավ լվացեք և չորացրեք: Կոնդիցիոներ պետք չէ օգտագործել:
Հինան պետք է քսել մաքուր և չոր մազերին: Հինան տաքացրեք ջրի գոլորշու վրա և սկսեք տարածել մազերին՝ արմատներից մինչև ծայրերը: Երբ ավարտեք քսելը, հատուկ գլխարկ հագեք, վրան սրբիչով փաթաթեք, մոտ 4 ժամ և թողեք այդպես մնա:
Մազերը լավ լվացեք հինայից:
Հաջորդ 3 օրերի ընթացքում աշխատեք չլվանալ մազերը, չհարդարել և ոչ մի քսուք չքսել:
Նյութը հրապարակման պատրաստեց Լիլիթ Հարությունյանը
