Տպել
Ամերիկացի հայտնի դերասան, «Ինդիանա Ջոնս» և «Աստղային պատերազմներ» ֆիլմերից ճանաչում ձեռք բերած աստղ Հարիսոն Ֆորդն այսօր՝ հուլիսի 13-ին, նշում է ծննդյան 76-ամյակը:
Միգուցե, չհավատաք, բայց ճանաչված դերասանին կարիերայի սկզբնական շրջանում անհաջողակ էին համարում: Նրա հանդեպ թերահավատությունը մեծացավ, երբ Zabriskie Point ֆիլմում նրա մասնակցությամ բոլոր տեսարանները մոնտաժվեցին՝ չափից դուրս անտաղանդ խաղի պատճառով: Բայց այսօր Հարիսոնը Հոլիվուդի ամենասիրված և պահանջված դերասաններից է: Նրա մասնակցությամբ բոլոր ֆիլմերն էլ համաշխարհային ճանաչում են ունենում, ինչը մեծամասամբ պայմանավորված է նաև դերասանի համոզիչ խաղով:
Հայտնի դերասանի մտքերից մի քանիսը ներկայացնում ենք ձեր ուշադրությանը.
«Հեծանիվներն ու ինքնաթիռները նախատեսված չեն արագության և զվարճանքի համար: Դրանք խաղալիքներ են, բայց լուրջ խաղալիքներ»:
«Մենք բոլորս էլ կյանքում ունենում ենք մեծ փոփոխություններ, որոնք կոչվում են երկրոդ հնարավորություն»:
«Ինձ համար հաջողությունն ընտրություն է և հնարավորություն»:
«Ես նոստալգիայի գիրկը չեմ ընկնում: Դա ինձ հատուկ չէ: Ես, պարզապես, ապրում եմ տվյալ պահով»:
«Եթե ուզում եք, որ գիտակցեմ, որ արդեն ծերանում եմ, ուրեմն՝ այդպես էլ կանեմ»:
«Եթե ես լուրջ մարդ լինեի, հիմա իսկական աշխատանք կունենայի»:
«Դուք հաստատ կձանձրանաք ինձ դիտելով, բայց ես չեմ պատրաստվում անցնել թոշակի»:
«Ես բարկանում եմ, երբ մարդիկ ասում են, թե ես էքշն ժանրի աստղ եմ: «Ինդիանա Ջոնսը» արկածային ֆիլմ է, կատակերգական պատմություն, երևակայություն…»:
«Ես միշտ էլ վերևից մի քիչ ցած եմ եղել, դրա համար էլ չեմ վախեցել վայր ընկնելուց»:
