Տպել
Նորածնի համար լավագույն սնունդը մոր կրծքի կաթն է:
Սակայն եթե մայրն ինչ-ինչ պատճառներով չի կարող կերակրել երեխային, ապա չի կարելի կրծքի կաթը փոխարինել կովի կաթով կամ յոգուրտով, սպիտակաձավարի շիլայով եւ այլ մթերքներով: Այս մասին հայտնել է մանկաբույժ, «Մայրերի խորհուրդ» հասարակական շարժման ղեկավար Տատյանա Բուցկայան:
Չոր կաթ
«Երեխային կերակրելու համար չոր կաթի օգտագործումը հաջողությամբ չի պսակվում: Եթե կնոջ մոտ կրծքի կաթ չկա, ապա պետք է դիմել մանկաբույժին, որպեսզի ընտրվի երեխայի համար օպտիմալ տարբերակ: Կաթնային չոր խառնուրդը եւս հարմար չէ: Այդ նյութերի ավելցուկը հանգեցնում է օրգանիզմում ջրային-աղային բալանսի խախտմանը, այսինքն՝ սկսվում է ջրազրկում: Այդպիսով, այդ ամենը հանգեցնում է երիկամային անբավարարության»,- ասել է Բուցկայան:
Կովի եւ այծի կաթ
Կովի եւ այծի կաթը հայտնի ալերգեններ են, եւ դրանք երեխայի սննդակարգում ներառելը կարելի է մեկ տարուց ոչ շուտ:
Յոգուրտ եւ կեֆիր
Այս երկու մթերքները, մանկաբույժի խոսքով, խստիվ արգելվում են նորածիններին: Բացի այդ, դրանցում պարունվում են սպիրտ եւ շատ հանքային աղեր:
Սպիտակաձավարի շիլա
Նորածնի համար սպիտակաձավարի շիլայի գլխավոր վտանգը սննդի նկատմամբ անհանդուրժողականությունն է: Դրա ամենավտանգավոր բաղադրիչը գլյուտենն է: Մինչեւ 6 ամսական երեխաներին սպիտակաձավարի շիլա տալը կտրականապես արգելվում է:
