Տպել
Ամռան գալուն պես կորոնավիրուսի պանդեմիան չի նահանջի: Այս մասին ասվում է նոր հետազոտության մեջ, որը հրապարակվել է Canadian Medical Association Journal գիտական պարբերականում:
Հետազոտության շրջանակում մասնագետները ստուգել են տարածված միֆն այն մասին, որ շոգ եղանակի գալուն պես կորոնավիրուսը կարող է նահանջել:
Հետազոտությունը որևէ կապ չի հայտնաբերել ամռան գալու և պանդեմիկ ճգնաժամի դադարեցման միջև:
Մասնագետներն ուսումնասիրել են 144 տարածաշրջան, որտեղ գրանցվել է կորոնավիրուսով վարակման առնվազն 10 000 դեպք: Հետազոտողների խոսքով՝ վիրուսի տարածման վրա եղանակը չի ազդում:
Այնուամենայնիվ, գիտնականները կարծում են, որ ամռան գալուն պես հյուսիսային կիսագնդի երկրներում առողջապահական մարմինները քիչ ծանրաբեռնված կլինեն, քան ձմռանը: Դա կապված է սեզոնային համաճարակների ավարտի հետ:
