Տպել
Ձեր ուշադրությանն ենք ներկայացնում 10 գրքերից բաղկացած ցուցակ, որն անտարբեր չի թողնի և ոչ մի կնոջ աշխարհում:
- Սթեֆան Ցվեյգ – «Անծանոթուհու նամակը»
Սա սիրո պատմություն է: Կինը սիրում է տղամարդուն, նրա համար պատրաստ է ամեն ինչի, բայց… Կարդացեք այս գիրքը և կհասկանաք դրա խորը իմաստը:
- Սուադ – «Կենդանի այրվածը»
Այս գիրքը մուսուլման կանանց դաժան կյանքի մասին է: Գրքի սյուժեն հիմնված է իրական դեպքերի վրա: Այս գիրքն անտարբեր չի թողնի ոչ մի կնոջ:
- Բեթի Մահմուդի, Ուիլյամ Հոֆեր – «Միայն դստեր հետ»
Սա ևս մի գիրք է մուսուլման կանանց դաժան կյանքի մասին՝ հիմնված իրական փաստերի վրա: Պատմությունն ամերիկուհու մասին է, ով ամուսնացել է իրանցու հետ: Այս կինը դստեր և ամուսնու հետ գնում է Իրան՝ բարեկամների մոտ, և մնում է այնտեղ: Ամերիկուհին բազում փորձությունների միջով է անցնում, մինչև հայրենիք վերադառնալը:
- Քեթի Քելլի – «Մնաս բարով, ներիր»
Այս գիրքը պատմում է երկու ընկերուհիների կյանքի մասին. մեկը բիզնես լեդի է, մյուսը՝ տնային տնտեսուհի և երկու երեխաների մայր: Մի պահի նրանց կյանքը կտրուկ փոխվում է: Կանայք նույնիսկ չեն կարող պատկերացնել, թե իրենց ինչ է սպասվում:
- Էլիզաբեթ Գիլբերտ – «Կեր, աղոթիր, սիրիր»
Եթե Դուք չգիտեք՝ ինչպես ձեռք բերել ներդաշնակություն և երջանկություն, ինչպես հաճույք ստանալ յուրաքանչյուր նոր օրից, կարդացեք այս գիրքը և ստացեք Ձեր շատ հարցերի պատասխանները:
- Լ. Ն. Տոլստոյ – «Աննա Կարենինա»
Համաշխարհային այս վեպը սիրո և ատելության մասին է: Այն մասին, թե ինչպես կարելի է մնալ արժանավոր մարդ, երբ քեզ դավաճանում է սիրելի կինը:
- Գրեյ Ջոն – «Տղամարդիկ Մարսից են, կանայք՝ Վեներայից»
Այս գիրքը հարմար է բոլոր տարիքի կանանց համար: Սա կօգնի Ձեզ հասկանալ, թե ինչ է կատարվում Ձեր կեսի գլխում:
- Գերի Չեպմեն – «Սիրո հինգ լեզուները»
Այս գիրքը կօգնի Ձեզ գլուխ հանել սիրային հարաբերություններից: Դուք կհասկանաք Ձեր սխալները, որոնք թույլ եք տվել սիրային հարաբերություններ կառուցելիս:
- Էրիխ Մարիա Ռեմարկ – «Երեք ընկեր»
Այս գիրքն իսկական և անկեղծ ընկերության մասին է: Եթե Դուք չեք հավատում, որ գոյություն ունի ընկերություն, որն ավելի ուժեղ է, քան մահը, ապա կարդացեք այս շքեղ գիրքը:
- Օսկար Ուայլդ – «Դորիան Գրեյի դիմանկարը»
Այս գիրքն օգնում է հասկանալ, թե ինչ է կանգնած երիտասարդ մարդու անթերի արտաքինի հետևում: Գրքի հեղինակը ցանկացել է հասցնել ընթերցողին, որ գեղեցկությունը և երիտասարդությունն ամենագլխավորը չեն կյանքում:
Պատրաստեց Անի Գաբուզյանը
