Տպել
Ամերիկյան Synchron-ը հաջողությամբ կատարել է Stentrode նյարդային ինտերֆեյսի մշտական տեղադրման առաջին վիրահատությունը։ Նման իմպլանտը թույլ կտա մտքի ուժով կառավարել տեխնոլոգիաները։ Սա «ուղեղ-համակարգիչ» նյարդային ինտերֆեյս է, որը թույլ է տալիս անդամալույծ կամ կորցրած վերջույթներ ունեցող մարդկանց ինքնուրույն կառավարել սարքավորումները և լինել ավելի անկախ:
Սարքը, որը նման է տարօրինակ մետաղալարի, տեղադրվում է էնդովասուլյար: Այսինքն՝ հիվանդի գանգի մեջ անցք չեն փորում, այլ էլեկտրոդը նրբորեն մտցնում են երակով՝ մինչև այն հասնի ուղեղի ցանկալի հատվածին։ Ցանցային նյութից բաղկացած էլեկտրոդը, որի վրա կցված են 16 սենսորներ, միացված է արդեն կրծքավանդակում գտնվող իմպլանտին: Այս իմպլանտն ուղեղից ստացված հրամանները կփոխանցի համակարգչին կամ միացված այլ սարքին:
Synchron-ը նախկինում փորձարկել է Stentrode-ի երկարաժամկետ օգտագործման անվտանգությունը` 2021 թվականին այն 12 ամսով ներդրվել է Ավստրալիայից չորս կամավորների մոտ: Փորձի մասնակիցները կարողացել են հաղորդագրություններ գրել, շփվել էլեկտրոնային փոստով, առցանց գնումներ կատարել և օգտվել հեռաբժշկության ծառայություններից, և սարքի աշխատանքի մեջ շեղումներ չեն հայտնաբերել։
Ապագայում Stentrode-ի նման սարքերը կարող են օգտագործվել նյարդային համակարգի վնասն ախտորոշելու և բուժելու համար, ներառյալ՝ Պարկինսոնի հիվանդությունը, էպիլեպսիան, դեպրեսիան և հիպերտոնիան: Նախատեսվում է նաև ընդլայնել նման համակարգերի ոչ բժշկական կիրառությունների ցանկը։
Նման նեյրոնային միջերեսների զանգվածային իմպլանտացիայի մասին դեռևս չի հաղորդվել, սակայն Ստենտրոդն արդեն ստացել է FDA-ի հավանությունը, ինչը հնարավոր դարձրեց մշտական իմպլանտացիա։
Սիրարփի Աղաբաբյան
