Advertisement 1000 x 90

8 նշան, որ տղամարդու մոտ տեստոստերոնի մակարդակը նվազել է

Տեստոստերոնը արական կարևորագույն հորմոններից է։ Հենց դա է պատասխանատու մկանների և լիբիդոյի համար։ Հորմոնն օրգանիզմում շատ կարևոր դեր է խաղում, ուստի եթե դրա մակարդակը նվազում է, դա ոչ միայն մարզասարահում և անկողնում է խնդիրներ առաջացնում, նշում է էնդոկրինոլոգ Բրեդլի Անավալտը։

Տեստոստերոնի ցածր մակարդակի մասին են վկայում հետևյալ երևույթների առկայությունը

Լիբիդոյի անկում

Ուրոլոգ Ֆիլիպ Վերթմանը պնդում է, որ տեստոստերոնի ցածր մակարդակն անմիջապես ազդում է լիբիդոյի վրա։ Տեստոստերոնի ցածր մակարդակով ամեն պացիենտ ոչ միայն հազվադեպ է սեքս ուզում, այլ նաև քիչ է ձեռնաշարժությամբ զբաղվում։

Մկանները թուլանում են

Եթե տղամարդու մոտ տեստոստերոնը նորմալ քանակությամբ է, նա արագ մկաններ է «գցում»։ Եթե այդ հորմոնի մակարդակը նվազում է, մկանները սկսում են թուլանալ և պակասել։

Առնանդամը կարող է փոքրանալ

Տեստոստերոնի մակարդակի նվազման հետևանքով ամորձիներն ու առնանդամը կարող են փոքրանալ։ Ամորձիները կարող են կորցնել իրենց ամրությունը։

Որովայնի շրջանում ճարպ է կուտակվում

Տեստոստերոնի ցածր մակարդակի հետևանքով տղամարդիկ սկսում են գիրանալ։ Հիմնականում ճարպը կուտակվում է որովայնի շրջանում։

Վատ հիշողություն

Տեստոստերոնի ցածր մակարդակը հաճախ ազդում է ճանաչողական հնարավորությունների վրա և վատացնում հիշողությունը։

Տրամադրության վայրիվերումներ

Տեստոստերոնի ցածր մակարդակը ազդում է նաև տղամարդու ընդհանուր ինքնազգացողության և տրամադրության վրա։ Endocrine Journal-ում լույս տեսած հոդվածի համաձայն՝ երիտասարդ տղամարդկանց 23 տոկոսը դեպրեսիայի նշաններ է ցույց տալիս տեստոստերոնի ցածր մակարդակի դեպքում։ Նորմալ մակարդակի դեպքում այդ ցուցանիշը 5 տոկոս է։

Ոսկորները թուլանում են

Տեստոստերոնի ցածր մակարդակի դեպքում ոսկորներն ավելի թույլ են դառնում և հեշտ են կոտրվում։ Իսկ կոտրվածքներից հետո երկար ժամանակ է պետք լինում վերականգնման համար։

Սիրտը վտանգի տակ է

Համարվում է, որ տեստոստերոնի ցածր մակարդակը մեծացնում է սրտի հիվանդություններից մահանալու ռիսկը։ Դա հավանաբար կապված է այն  բանի հետ, որ տեստոստերոնն անհրաժեշտ է արյունատար անոթների պահպանման և նորմար արյան շրջանառության համար։

med.news.am