Տպել
Բրիտանացի գրող Ջոան Ռոուլինգը, որն ստեղծել է Հարի Փոթերի մասին մատենաշարը, դեկտեմբերի 12-ին պարգևատրվել է բրիտանական Պատվո ասպետների շքանշանով: Այս մասին հայտնել է Daily Mail (DM) թերթը:
Պարգևի հանձնման արարողությունը տեղի է ունեցել Բուքինգհեմյան պալատում:
«Ինձ համար պատիվ և հպարտություն է այս պարգևն ստանալը»,- մեջբերում է անում հրատարակությունը գրողի խոսքից:
Շքանշանի հանձնումը տեղի է ունեցել պատանի կախարդի մասին առաջին գործի՝ «Հարի Փոթերը և փիլիսոփայական քարը» (Harry Potter and the Philosopher՚s Stone, 1997 год) գրքի հրատարակումից 20 տարի անց:
Պատվո ասպետների շքանշանը պարգև է տարբեր բնագավառներում (արվեստում, գրականության, երաժշտության, գիտության և այլ ասպարեզներում) ակնառու նվաճումների համար: Այն 1917 թվականին հիմնել է Գեորգ V թագավորը: Շքանշանի ասպետների թվում են՝ գիտնական Սթիվեն Հոքինգը, Մեծ Բրիտանիայի ֆինանսների նախկին նախարար Ջորջ Օսբոռնը և երաժիշտ Փոլ Մակքարթնին:
