Տպել
Ադրբեջանական haqqin.az-ն անդրադարձել է Սուրիկ Խաչատրյանի դստեր` համացանցում լայն տարածում գտած հայտարարությանը:
Հիշեցնենք, որ Սուրիկ Խաչատրյանի պաշտոնանկությունից հետո նրա դուստրը մենաբանությամբ էր հանդես եկել, որում քննադատում էր երկրի իշխանություններին: Սվետլանա Խաչատրյանը շատ արագ հեռացրել էր գրառումը, որը, սակայն, արդեն մեծ աղմուկ էր հանել:
Հավելենք, որ Խաչատրյանի դուստրը երեկ Shamshyan.com-ի հետ զրույցում վստահեցրել էր, որ ինքը որևէ գրառում չի կատարել և վստահ է, որ իր ֆեյսբուքյան էջը կոտրել են: Նա հայտնել էր, որ պատրաստվում է դիմել ՀՀ ազգային անվտանգության ծառայություն և ՀՀ ոստիկանության կազմակերպված հանցավորության դեմ պայքարի գլխավոր վարչության մտավոր սեփականության դեմ պայքարի վարչություն:
Սակայն Yerkir.am-ի փոխանցմամբ՝ ՀՀ ոստիկանության կազմակերպված հանցավորության դեմ պայքարի գլխավոր վարչությունը ՀՀ Սյունիքի նախկին մարզպետ Սուրիկ Խաչատրյանի դստեր՝ Սվետլանա Խաչատրյանի կողմից հանցագործության մասին հաղորդում դեռևս չի ստացել:
