Տպել
– Կրծքումս կոշտուկ եմ շոշափել: Ի՞նչ կարող է լինել այն:
Պատասխանում է մոր և մանկան առողջապահական գիտահետազոտական կենտրոնի մամոգրաֆիստ Անի Ահարոնյան:
-Կանայք հիմնականում խուսափում են այս հարցով դիմել բժշկի, վախը լավ ուղեկից չէ: Չհետազատվելով՝ հարցին լուծում չեն տալիս, քանի որ կարող է նրանց մոտ ախտորոշվել չարորակ նոյագոյացություններ, իսկ չհետազատվելու դեպքում այն պարզ չի դառնում: Վաղ շրջանում կարելի է հայտնաբերել և ստանալ ադեկվատ բուժում: Ուշացնելու դեպքում և վիրահատությունը բարդ կանցնի, և հետվիրահատական շրջանը:
Պետք է նշեմ, որ բոլոր կանայք, ովքեր պետք է անցնեն նման հետազոտություն, դրսևորում են նույն պահվածքը՝ անկախ տարիքից, մասնագիտությունից: Ամեն գոյացում, կոշտություն, որը շոշափվում է կրծքագեղձում, դեռ չի խոսում այն մասին, որ այդտեղ վատ գործընթաց է տեղի ունենում:
Կան բազմաթիվ բարորակ փոփոխություններ, որոնց արդյունքում դուք կարող եք շոշափել գոյացություններ, պնդացումներ: Դրանք իրենցից ոչ մի լուրջ բան չեն ներկայացնում: Նման դեպքերում պետք է դիմել բժշկի, անցնել ռենտգեն մամոգրաֆիկ հետազոտություն և սոնոգրաֆիկ հետազոտություն, որի արդյունքում ախտորոշվում է խնդրի առկայությունը:
Հետազոտությունը պետք է անցնել դաշտանային ցիկլի 7-ից 12-րդ օրը:
