«Լիր արքա» հեռուստասերիալի թրեյլերը Էնթոնի Հոփքինսի մասնակցությամբ

Ֆիլմը նկարահանվել է 25 օրվա ընթացքում: Մեծ Բրիտանիայում սերիալը շուտով կարող են դիտել BBC հեռուստաալիքով: Շեքսպիրյան ողբերգությունում բացի լեգենդար Հոփքինսից մասնակցում են Էմմա Թոմփսոնը, Էմիլի Ուոթսոնը և Էնդրյու Սքոթը:

Մի արտասովոր դրվագ նկարահանումներից:

Օսկարակիր Հոփքինսին նկարահանումների ժամանակ շփոթել են թափառաշրջիկի հետ:

Դեպքը տեղի է ունեցել անգլիական Սթիվենիջ քաղաքում: Այս մասին գրել է Digital Spy պորտալը:

Ինչպես պատմել է բեմադրիչ Ռիչարդ Այրը, հաշմանդամ մի կին սայլակով մոտեցել է Հոփքինսին և խորհուրդ տվել մատչելի հոսթել: Թե ինչպես է դերասանը շնորհակալություն հայտնել, պատմությունը լռում է:

mir24.tv

Հրապարակման պատրաստեց Պողոս Վարժապետյանը