Տպել
Takprosto.cc կայքը գրում է, որ աչքերի տակ առաջացող մուգ շրջանակները նշան են այն բանի, որ օրգանիզմում ինչ-որ բան «լավ չի աշխատում»: Համարվում է, որ դրանք առաջանում են հոգնածության և քնի պակասի պատճառով, սակայն գոյություն ունեն մի խումբ գործոններ, որոնց հետևանքով կարող են աչքերի տակ շրջանակներ առաջանալ: Դրանցից կարելի է ազատվել հետևյալ միջոցներով:
Վարունգ
Այս միջոցից օգտվել են դեռ մեր տատիկները: Վերցրեք սառը վարունգ, այն շրջանաձև կտրեք այնպես, որ ծածկի ողջ աչքը՝ շրջանակների հետ միասին: Դրանք աչքերի վրա թողեք 15 րոպե:
Կարտոֆիլ
Սառը կարտոֆիլը կարող եք օգտագործել այտուցներից ազատվելու համար: Կարտոֆիլը ողջ գիշեր թողեք սառնարանում, ապա լվացեք, բաժանեք մասերի և դրեք աչքերին 5-10 րոպե: Ապա լավ լվացեք աչքերը:
Կաթ
Կտորը թրջեք սառը կաթով: Այն աչքերին թողեք 20-30 րոպե:
Թեյի տոպրակներ
Տոպրակները թրջեք տաք ջրի մեջ, ապա սառնարանում թողեք 5-10 րոպե: Աչքերին դրեք 20-30 րոպե: Կանաչ թեյի և երիցուկի թեյերն ավելի արդյունավետ են:
Ձվի սպիտակուց
Խառնեք սպիտակուցը և վրձնի միջոցով քսեք աչքերին: Սպասեք 20 րոպե և աչքերը լվացեք տաք ջրով:
Սառույց
Այս միջոցից պետք է օգտվել միայն այն ժամանակ, երբ անհրաժեշտ է արագ ազատվել աչքերի տակի շրջանակներից: Դրանք մերսելով սառույցով` կարելի է փոքրացնել ծավալը:
Այլ միջոցներ
Շատ քնեք, ավելորդ ժամանակ մի ծախսեք հեռուստացույց դիտելու վրա: Առողջ սնունդ կերեք, հատկապես՝ մրգեր և բանջարեղեն: Պակասեցրեք աղի օգտագործումը. այն ջուրը պահում է օրգանիզմում: Շատ ջուր խմեք: Մի ծխեք:
Թարգմանությունը 168.am-ի
