Տպել
ՀՀ ոստիկանության անձնագրային և վիզաների վարչության պետ Մնացական Բիչախչյանը ֆեյսբուքյան իր էջում արձագանքել է քաղաքագետ Ստեփան Դանիելյանի գրառմանը.
«ՊԱՐԶԱԲԱՆՈՒՄ
Ֆեյսբուքյան օգտատեր Ստեփան Դանիելյանի (Stepan Danielyan) կողմից հրապարակվել է «վարկած», որում շարադրվել է սեփական տրամաբանակ եզրահանգումները, որոնք կարելի է ասել շատ հեռու են նույնիսկ ինչ-որ վարկած կոչվելուց, ինչ մնաց պարունակեն հիմնավոր փաստարկներ 2017թ. ընտրությանը մասնակցած անձանց ցուցակները կեղծելուն:
Ըստ «վարկածի» հեղինակի տրամաբանության երկրից բացակայողների անունները գրանցվել են մի քանի անգամ, հիմնականում նորակառույց և չբնակեցված շենքերում: Դրա համար հայտնաբերվում են մարդիկ, որոնք մի քանի հասցեներում են գրանցված:
Հարգելի պարոն Դանիելյան, հուսախաբ կանեմ Ձեզ, անհիմն տրամաբանական եզրահանգումների մեջ եք խճճվել: Օրենքով սահմանված կարգով 2017թ. ընտրության, ինչպես նաև նախորդ ընտրությունների ժամանակ ոստիկանության պաշտոնական կայքում հրապարակվել են ամբողջ հանրապետության ընտրողների էլեկտրոնային ցուցակները, ընդ որում ներբեռնելու հնարավորությամբ: Այն հնարավորություն է տալիս պարզ ծրագրային միջամտության եղանակով ամբողջական ցուցակներից գտնել կրկնություններ:
Այսպիսի մերկապարանոց հայտարարությամբ հանդես գալուց առաջ քանի կրկնվող տվյալ եք ներկայացրել կամ վկայակոչեք այն անձի տվյալները, ով ներկայացրել է»:
ՊԱՐԶԱԲԱՆՈՒՄՖեյսբուքյան օգտատեր Ստեփան Դանիելյանի (Stepan Danielyan) կողմից հրապարակվել է «վարկած», որում շարադրվել է…
Gepostet von Մնացական Բիչախչյան am Mittwoch, 5. September 2018
