Տպել
Հեռուստահաղորդավարուհի Էլեն Դեջեներսն իր ծրագրի եթերում հոլիվուդյան դերասանուհի Ջուլյա Ռոբերթսին առաջարկել է փորձել դնովի կուրծք, ինչպես «Քարդաշյանների ընտանիքը» ռեալթի-շոուի մասնակից Քիմ Քարդաշյանինն է, որպեսզի բաժանորդներ գրավի Instagram-ում:
Ներկայում Ռոբերթսն ունի 3,6 միլիոն բաժանորդ: Դեջեներսի կարծիքով՝ դնովի կրծքով վառ վարդագույն լողազգեստը հագին նկարվելով արևադարձային լողափի ֆոնին դերասանուհին կկարողանա ավելի հանրաճանաչ դառնալ սոցցանցում:
Բացի դրանից, նույն այդ նպատակով նրան խորհուրդ են տվել Instagram-ի օգտատերին հաղորդակից դարձնել իր խոհարարական վարպետությանը՝ կեցվածք ընդունելով տորթը ձեռքին, ինչպես նաև լուսանկարվել լավագույն ընկերոջ հետ և այլ բաներ:
