«Ես ու իմ սերիալային կերպարը՝ Մարիամիկը, իսկապես, բավականին տարբեր ենք». Հասմիկ Խոջյան. style.news.am (լուսանկարներ)
Advertisement 1000 x 90

«Ես ու իմ սերիալային կերպարը՝ Մարիամիկը, իսկապես, բավականին տարբեր ենք». Հասմիկ Խոջյան. style.news.am

«Էլեի օրագիրը» հեռուստասերիալի հերոսներն արդեն ուսանողներ են, սակայն մինչ համալսարան ընդունվելը՝ նրանք արդեն հասցրել էին սիրվել իրենց դպրոցականների կերպարներով, որոնցից յուրաքանչյուրն արտացոլում էր մերօրյա աշակերտներից շատերին: Սերիալի յուրահատուկ հերոսուհիներից մեկը (ինչպես նրան նաև անվանում են սերիալային մյուս հերոսները) Մարիամիկն է: Կիրթ, դաստիարակված, աշխատասեր, բարի և ուսումնատենչ այս հերոսուհուն մարմնավորում է երիտասարդ դերասանուհի Հասմիկ Խոջյանը, որը չնայած իր զուսպ և կիրթ կերպարով առաջին հայացիքց նման է թվում Մարիամիկին, սակայն իրականում դերասաանուհին մի շարք հարցերում տարբերվում է նրանից:

NEWS.am STYLE-ը զրուցել է Հասմիկի հետ «Էլենի օրագրում» նկարահավելու, իր կերպարի, թատրոնում և կինոյում աշխատելու առանձնահատկությունների և մի շարք այլ հարցերի շուրջ:

Հասմիկ, հարցազրույցներում նշել ես, որ դեռևս 3 տարեկանից ծնողներիդ ջանքերովեղել ես արվեստի բնագավառում, տարատեսակ խմբակների ես հաճախել: Ի՞նչ եսկարծում, եթե նրանք քեզ չուղղորդեին այդ ուղիով, ի՞նչ մասնագիտություն կընտրեիրարդեն հասուն տարիքում:

Այս հարցը ես հաճախ եմ ինքս իմ ներսում քննարկել ու վերլուծել և միշտ եկել եմ այն եզրահանգման, որ ես այնտեղ եմ, որտեղ պետք է լինեի: Այս հարցի շուրջ մտածելիս միշտ մտքիս գալիս է մի ֆիլմից համապատասխան արտահայտություն, որտեղ ասվում է. «Եթե մասնագիտությունդ ի վերուստ է, դու չես կարող հակադրվել դրան, եթե նույնիսկ դու չես կարող խոսել»:

Քո կարիերան սկսել ես թատրոնից. հեռուստատեսության և թատրոնի միջև տարբերակում դնո՞ւմ ես. ո՞ր ոլորտն ես ավելի շատ սիրում:

Երբ դեռ չէի աշխատում հեռուստատեսությունում և չէի նկարահանվում հեռուստասերիալներում, անընդհատ թատրոնում էի ու կարծում էի, որ ես որպես դերասանուհի միայն թատրոնում եմ սիրում աշխատել: Իրականում, ես հիմա էլ ինքս ինձ համարում եմ առաջնահերթ թատրոնի դերասանուհի և թատերասեր մարդ, սակայն արդեն կարող եմ հստակ ասել, որ ոչ մի կերպ ու ոչ մի բանի հետ չեմ կարող փոխարինել նաև իմ աշխատանքը հեռուստաընկերությունում: Տարբեր աշխարհներ են թատրոնն ու կինոն, բայց ես չեմ կարող ընտրություն կատարել դրանց միջև, քանի որ սիրում եմ իմ մասնագիտության բոլոր ճյուղերն ու անասելի մեծ սիրով եմ կատարում իմ աշխատանքը:

Ամբողջությամբ` style.news.am