Տպել
Կեֆիրը շատ տարածված մթերք է, որը բարելավում է առողջական վիճակը՝ առանց կողմնակի բարդություններ առաջացնելու, սակայն քչերը գիտեն, թե որքան օգտակար է իրականում այս համեղ ըմպելիքը: Ձեր ուշադրությանն ենք ներկայացնում 7 պատճառ հաճախ կեֆիր խմելու համար:
1. Կեֆիրն առողջարար է աղիների համար
Այս կաթնամթերքը վերականգնում է աղիների միկրոֆլորայում օգտակար բակտերիաների քանակը՝ կանխելով ախտածին միկրոօրգանիզմների աճը:
2. Կեֆիրն ամրապնդում է ոսկորները
Կեֆիրը պարունակում է մեծ քանակությամբ սպիտակուցներ ու կալցիում, որոնք ամրապնդում են ոսկորներն ու նպաստում երեխաների առողջ աճին:
3. Կեֆիրը նվազեցնում է օրգանիզմում խոլեստերինի մակարդակը
Կեֆիրը կարգավորում է օրգանիզմում խոլեստերինի մակարդակը, ինչի շնորհիվ նպաստում է սրտամկանի ամրապնդմանն ու աթերոսկլերոզի կանխարգելմանը:
4. Կեֆիրն օգնում է նիհարել
Կեֆիրը հարուստ է սպիտակուցներով ու արդյունավետ կերպով հագեցնում է քաղցը: Բացի այդ, այն բարելավում է աղիների միկրոֆլորան, ինչը նույնպես նպաստում է ավելորդ քաշի նվազմանը:
5. Կեֆիրը պաշտպանում է վարակներից
Այս ըմպելիքը պարունակում է շատ օգտակար պրոբիոտիկներ, որոնք կանխում են վնասակար բակտերիաների աճը՝ պաշտպանելով այնպիսի վտանգավոր միկրոօրգանիզմներից, ինչպիսին են սալմոնելլան, հելիկոբակտեր պիլորին ու աղիքային ցուպիկը:
6. Կեֆիրը պաշտպանում է քաղցկեղից
Կեֆիրի մեջ պարունակվող պրոբիոտիկները նաև նվազեցնում են քաղցկեղածին միացությունների առաջացման հավանականությունն ու խթանում իմունային համակարգի ակտիվությունը:
7. Կեֆիրը երկարացնում է կյանքը
Գիտափորձերի ընթացքում կեֆիրի պրոբիոտիկներն օգնում էին երկարացնել փորձամկների կյանքը: Մասնագետները ենթադրում են, որ նման արդյունքը պայմանավորված է կեֆիրի՝ հաստ աղիքում քրոնիկ բորբոքումների մակարդակը նվազեցնելու հատկությամբ:
