Տպել
Ֆրանսիացի աշխարհահռչակ գրող Օնորե դը Բալզակն իր համաշխարհային փառք վայելող ստեղծագործություններից զատ, հայտի էր նաև իր ոչ այնքան օրինակելի վարքով: Նա շատ էր ծախսում, շատ էր պարտքեր վերցնում, պարբերաբար խմում էր, իսկ պատասխանատվության զգացումը, մեղմ ասած, կաղում էր: Այդ է պատճառը, որ նրա կյանքն ու առօրյան լի են եղել տարատեսակ հետաքրքիր և զավեշտալի դրվագներով:
Ձեզ ենք ներկայացնում դրանցից մի քանիսը:
«Իսկ դուք թողեք նրանց»
Մի օր Բալզակը նստած է լինում այգում՝ մտքերի մեջ խորասուզված, և հանկարծ նրան մոտենում է մի երիտասարդ կին:
-Պարո՛ն, օգնենք ինձ: Իմ ամուսինը մահացել է, իսկ երեք երխաներս ձեռքիս են:
Բալզակը մի պահ մտածում է և տալիս «արժեքավոր» խորհուրդ:
-Իսկ դուք բաց թողեք նրանց գետնին, տիկին:
«Երիտասարդ Բալզակը և խմբագիրը»
Երիտասարդ տարիքում, երբ Բալզակը դեռ նոր-նոր էր սկսել իր գրական կարիերան, նա ֆինանսական լուրջ խնդիրներ ուներ: Ամեն շաբաթ նա գնում էր խմբագրի մոտ և իր ամսական հոնորարից մաս ուզում: Մի անգամ քարտուղարուհին նրան կանգնեցնում է խմբագրի դռան մոտ և ասում. «Կներե՛ք, Բալզա՛կ, բայց խմբագիրն այսօր չի ընդունում», իսկ Բալզակը պատասխանում է. «Ոչինչ, թո՛ղ չընդունի: Կարևորը՝ տա»:
«Բալզակն ու գողը»
Մի գիշեր Բալզակի տուն գող է մտնում և սկսում տակնուվրա անել սենյակի միակ արկղը: Եվ հանկարծ լսվում է բարձր ծիծաղ:
– Ընկեր իմ,- ասում է Բալզակը,- զուր ես դու գիշերով փնտրում այն, ինչ ես ցերեկով չեմ կարողանում գտնել:
«Վարպետը և Բալզակը»
Առավոտյան Բալզակի մոտ է գալիս մի վարպետ, որը վերանորոգել և կահավորել էր նրա բնակարանը: Նա սկսում է գոռալ, հայհոյել, որպեսզի, վերջիվերջո, անպատասխանատու գրողը տա իր գումարը: Իսկ Բալզակը նրան հանգստացնում է, և ասում, որ հիմա գումար չունի և թող հաջորդ օրը գա:
-Ամեն անգամ, երբ ես գալիս եմ իմ գումարի ետևից դուք կամ գումար չունեք, կամ տանը չեք:
-Բայց դա լիովին տրամաբանական է, պարոն: Եթե ես հիմա գումար ունենայի, ամենայն հավանականությամբ տանը չէի լինի:
