Տպել
27-ամյա Հոլի Դրայնանը կարողացավ հաղթահարել ահավոր հիվանդությունը շնորհիվ կոսմետիկ նյութով մերսման։
Ինչպես տեղեկացնոիմ է The Daily Mail-ը, կինը մի քանի ամիս անհարմարություն է զգացել որովայնի շրջանում, բայց բուժող բժիշկը դա վերագրել է գլյուտենը չմարսելուն։ Մի օր Հոլին որոշել է զբաղվել իրենով եւ որովայնին մերսման օճառ է քսել։ Հեղուկի մնացորդով նա սկսել է մերսել կուրծքը, բայց այդ ժամանակ ձախ կրծքում գունդ է շոշափել։ Բժիշկները անմխիթարական ախտորոշում են կայացրել՝ կաթնագեղձի քաղցկեղ, որը դարձել է մուտացիայի հետեւանք TP53 գենում։
Հիվանդությունը հաղթահարելու համար Հոլին ստիպված է եղել քիմիաթերապիա եւ մաստէկտոմիա անցնել՝ կրծքի հետագա վերականգնմամբ։ Չնայած բժիշկները կապ չեն հայտնաբերել կաթնագեղձի քաղցկեղի եւ որովայնի ցավերի միջեւ, տհաճ ցավային ախտանշանն անցել է քիմիաթերապիայից հետո։
2005 թվականին կնոջը հաջողվել է հաղթել գլխուղեղի քաղցկեղը։ Հիմա Հոլին երկյուղում է, որ գենետիկ մուտացիան ապագայում կարող է նորից քաղցկեղի առաջացման պատճառ դառնալ։ Չնայած դրան, նա ջանում է պահպանել դրական տրամադրվածությունը եւ իրեն լիովին նվիրել է 18-ամսական աղջկա դաստիարակությանը։
«Ես պետք է ուժեղ լինեմ եւ ապրեմ որքան հնարավոր է երկար հանուն իմ հիասքանչ աղջկա»,- նշում է Հոլին։
