Տպել
Յոգուրտի պարբերաբար օգտագործումը կարող է օգնել վերահսկել զարկերակային ճնշումն ու այն նորմայի մեջ պահպանել: Նման եզրակացության են եկել Բոսթոնի համալսարանի բժշկական դպրոցի մասնագետները:
Հետազոտությունները ցույց են տվել, որ կանանց մոտ, որոնք բնական յոգուրտ են օգտագործում (շաբաթական 5 անգամ և ավելի), հիպերտոնիայի զարգացման ռիսկը ցածր է:
Express-ի հաղորդմամբ՝ փորձագետները նշում են, որ լավագույն արդյունքի կարելի է հասնել յոգուրտը ճիշտ սնվելու հայեցակարգի շրջանակում օգտագործելու դեպքում: Գաղտնիքը յոգուրտի եզակի կազմն է, որում կան շատ սպիտակուցներ, կալցիում, մագնեզիում, կալիում և վիտամին D: Այդ բոլոր նյութերը օգնում են կարգավորել ճնշումը:
Իհարկե, խոսքը բնական հունական յոգուրտի մասին է, որում չկան շաքարավազ և այլ հավելումներ:
նշենք, որ հիպերտոնիան տարածված և վտանգավոր հիվանդություն է: Եթե դուք բարձր ճնշում ունեք, ապա պետք է ճիշտ սննդակարգ ընտրեք, հնարավորինս ֆիզիկապես ակտիվ լինեք, խորհրդակցեք բժիշկի հետ ու ընդունեք նշանակած բուժումը:
