Տպել
Հարվարդի բժշկական դպրոցի գիտնականներն ուսումնասիրել են ուղեղի հյուսվածքը երկարակյացների (100 տարեկանից ոչ պակաս մարդկանց) մահվանից հետո և համեմատել այն 60-70 տարեկանում մահացած մարդկանց հյուսվածքի հետ, տեղեկացնում է Fox8-ը։
Հետազոտությունը ցույց է տվել, որ նրանք, ովքեր մահացել են ավելի երիտասարդ հասակում, REST (RE-1 Silencing Transcription) սպիտակուցի ավելի ցածր մակարդակ են ունեցել, որը հանգստացնում է ուղեղի ակտիվությունը։
Հետազոտության համաձայն՝ ուղեղի չափից ավելի ակտիվությունը կապված է կյանքի տևողության կրճատման հետ, այն դեպքում, երբ նման գերակտիվության ճնշումը երկարացնում է կյանքը։
Հետազոտությունը հիմնված է մարդու, մկների և որդերի ուղեղի հետազոտության արդյունքների վրա։
Ստացված արդյունքները «կարող են բավական հեռուն գնացող հետևանքներ ունենալ ֆիզիոլոգիայի և կյանքի տևողության վրա»,- ասվում է Բրյուս Յանկերի՝ Հարվարդի բժշկական դպրոցի գենետիկայի և նյարդաբանության պրոֆեսորի հայտարարությունում։
