Տպել
Ոչ բոլորին է խորհուրդ տրվում մեծ քանակով թեյի օգտագործումը: Դրա օգտագործումը խորհուրդ է տրվում սահմանափակել ստամոքսի և տասներկումատնյա աղիքի խոց ունեցողներին՝ պնդում է բժիշկ-սննդաբան Մարինա Մակիշան:
«Արգումենտի ի ֆակտի» թերթին նա հայտնել է, որ թեյը կարող է այրոց առաջացնել և գրգռել աղեստամոքսային տրակտը:
Թեյը նաև հակացուցված է հիպերտոնիկ հիվանդության և աթերոսկլերոզի դեպքում: Թեյի մեջ պարունակվող տանինը մեծացնում է ուղեղի գործունեությունն ու կարող է անքնություն առաջացնել, այդ պատճառով խորհուրդ չի տրվում այն օգտագործել երեկոյան ժամերին:
Փորձագետը նշել է, որ կանաչ թեյի հաճախակի օգտագործման պատճառով երիկամներում կարող են քարեր առաջանալ:
Մասնագետը նաև խորհուրդ է տվել չօգտագործել կաթով թեյ նրանց, ովքեր ստամոքսի և աղիքների հետ կապված խնդիրներ ունեն, քանի որ կաթը խմորում է առաջացնում:
