Տպել
Մեծ Բրիտանիայի, ԱՄՆ-ի և Հարավային Աֆրիկայի գիտնականները մոդելավորել են կլիմայի փոփոխության մի քանի սցենարներ: Նրանք ցույց են տվել, որ մոլորակի էկոհամակարգերը ծայրահեղ վտանգի տակ են: Այս մասին հայտնում է Nature ամսագիրը:
Ներկայիս արտանետումների և գլոբալ տաքացման տեմպերի պայմաններում օվկիանոսային էկոհամակարգերը կսկսեն անհետանալ ընթացիկ տասնամյակում:
Փորձագետները կազմել են մի քանի մոդելներ՝ երկրագունդը բաժանելով 100 քառակուսի կիլոմետր հատվածների: Գիտնականները դրանց կցել են 1850 թվականի տվյալները և կանխատեսումները մինչև 2100 թվականը:
Պարզվել է, որ արտանետումների ներկայիս մակարդակում 30 հազար տեսակ թռչուններից, կաթնասուններից, սողուններից և ձկներից աղետալի հետևանքները սպառնում են 73%-ին:
Հատկապես խոցելի են արևադարձային օվկիանոսի էկոհամակարգերը: Արդեն ընթացիկ տասնամյակում դրանք անդառնալի փոփոխությունների են ենթարկվելու: Մահանալու են կորալային խութերը, որոնցում պարունակվում է ամբողջ ծովային կյանքի մեկ քառորդ մասը:
Պատրաստեց Անի Գաբուզյանը
