Տպել
Գիտնականները կորոնավիրուսի ժամանակ թրոմբների առաջացման կանխարգելման համար փորձարարական TRV027 դեղամիջոց կթեստավորեն: համարվում է, որ այն կարող է բալանսավորել հորմոնները, որոնք ազդում են արյան ճնշման եւ արյունատար անոթների վրա:
Ինչպես հայտնում է medportal.ru-ն, կորոնավիրուսով վարակված պացիենտների մեկ երրորդի մոտ ձեւավորվում են թրոմբներ, այդ թվում՝ թոքերում: Սրտի բրիտանական հիմնադրամի (British Heart Foundation) մասնագետները կարծում են, որ այդ պրոցեսը կարող է առաջանալ անգիոտենզին II եւ անգիոտենզին 1-7 հորմոնների միջեւ դիսբալանսի պատճառով: Առողջ մարդու մոտ այդ բալանսը պահպանում է ACE-2 ֆերմենտը, որը գտնվում է բջիջների մակերեսի վրա եւ որի միջով SARS-CoV-2 վիրուսը թափանցում է օրգանիզմ:
Հիմնադրամը հետազոտություն է անցկացնում, որի շրջանակում TRV027 դեղամիջոցը կթեստավորվի կորոնավիրուսով վարակվածների բուժման համար: Նախնական տվյալներով՝ այն կարող է վերականգնել հորմոնոլ դիսբալանսն ու կանխել թրոմբների ձեւավորումը:
8 օրը ծայրահեղ շրջան է կորոնավիրուսով վարակված պացիենտների համար, որի ժամանակ ախտանիշները կարող են խորանալ, եւ կարող է ինտենսիվ թերապիայի բաժանմունքում բուժման կարիք առաջանալ: Եթե դեղամիջոցն արդյունավետ լինի, ապա խմբում, որը կընդունոի TRV027, ցուցանիշներն ավելի լավը կլինեն, քան պլացեբո ընդունած խմբում:
