Տպել
Ռուսաստանում կորոնավիրուսով հիվանդացածների թիվը մինչեւ գարուն կարող Է անկում արձանագրել, սակայն դինամիկան Ամանորից հետո ուղղակիորեն կախված Է տոների ժամանակաշրջանում մարդկանց պատասխանատվությունից: ՌԻԱ Նովոստիին այս կարծիքն Է հայտնել Ռուսաստանի Գ.Վ.Պլեխանովի անվան տնտեսագիտական համալսարանի տարածաշրջանային զարգացման հետազոտությունների քանակական մեթոդների լաբորատորիայի վարիչ Ելենա Եգորովան, տեղեկացնում Է «Արմենպրես»-ը:
«Իրադրությունը կարող Է խորանալ ամանորյա տոներով պայմանավորված՝ կախված այն բանից, թե ռուսաստանցիներն ինչպես կպահպանեն սահմանափակիչ միջոցները: Հուսանք, որ չի կրկնվի արձակուրդների ամառային սցենարը: Այնուամենայնիվ, ձմեռային տոներին այնքան Էլ մեծ քանակությամբ մարդիկ չեն մեկնում: Բայց, այդուհանդերձ, շատերը մեկնում են լեռնադահուկային առողջարաններ կամ պարզապես Ռուսաստանի տուրիստական երթուղիներով: Եվ նախազգուշական միջոցառումները չպահպանելու դեպքում հիվանդացությունը կարող Է ավելանալ հանգստի տարածաշրջաններում, իսկ ժամանելուց հետո՝ այն տարածաշրջաններում, որտեղ ապրում են հանգստացողները»,- ասել Է նա:
«Մինչեւ գարուն կարելի Է սպասել նաեւ հիվանդացության նվազում բնակչության ակտիվ պատվաստման պատճառով: Համավարակի ինն ամիսները բժիշկներին թույլ են տվել մշակել բուժման արձանագրություններ, պատրաստել եւ լրակազմել ինֆեկցիոն բաժանմունքներ, այլ ոչ թե դեսուդեն ընկնել, ինչպես դա եղել Է մարտ-մայիս ամիսներին: Համաշխարհային ցուցանիշների համեմատությամբ Ռուսաստանում կորոնավիրուսի հետ կապված իրադրությունն զգալիորեն ավելի լավ Է, չԷ որ, չնայած հիվանդացածների եւ մահացածների բարձր բացարձակ ցուցանիշներին, հարաբերական գործակիցներն զգալիորեն ավելի ցածր են»,- բացատրել Է Եգորովան:
