Տպել
AstraZeneca պատվաստանյութը Vaxzevria են վերանվանել Եվրոպայում իրավիճակից հետո, որտեղ շատ երկրներ դադարեցրել էին մատակարարումները: Այս մասին հայտնում է Lenta.ru-ն՝ վկայակոչելով Շվեդիայի բժշկական արտադրանքի գործակալության կայքը:
Կարգավորողի տվյալներով՝ անվանման փոփոխությունից չի հետեւում դեղամիջոցի մյուս պարամետրերի փոփոխություն: Ընդ որում՝ նոր միջոցի մակնշումն ու փաթեթավորումը կարող է տարբերվել:
Հիշեցնենք, որ Եվրոպայի մի շարք երկրներ կասեցրել կամ արգելել են AstraZeneca-ով պատվաստումները՝ պատվաստված պացիենտների մոտ թրոմբոզ հայտնաբերելուց հետո: Ընդ որում՝ դեղամիջոցը ստեղծողները պնդում են, որ այն անվտանգ է: Ընկերությունից շեշտել են, որ պատվաստվելուց հետո ավելի քան 17 միլիոն մարդու առողջական վիճակի հետազոտությունը ցույց է տվել թոքային զարկերակի էմբոլիայի, խոր երակների թրոմբոզի կամ թրոմբոցիտոպենիայի առաջացման մեծ ռիսկի բացակայությունը:
news.am
