Տպել
ArmDaily.am-ը շարունակում է «Խորհուրդներ սեքսոլոգից» շարքը, որի շրջանակներում Հայ-Ամերիկյան Առողջության կենտրոնի սեքսոպաթոլոգ, բ.գ.թ. դոցենտ Սևադա Հակոբյանի հետ զրուցում ենք մեր ընթերցողներին հուզող կարևոր հարցերի մասին:
Այս անգամ փորձել ենք պարզել` ինչ է սեքսուալ երևակայությունը, ինչով է այն վտանգավոր տղամարդկանց եւ կանանց համար։ Արդյոք նորմա՞լ է, որ ամուսինները կարող են պոռնո կայքերի հետեւել, բավարարում, հաճույք ստանալ «խուժանական» վիդեոներ նայելով, թե սա խոսում է հոգեբանական, առողջական խնդիրների մասին:
Որոշ սեռական երևակայություններ բավականին անվնաս են և կարող են իրականացվել զուգընկերոջ հետ անկողնում: Բայց կան ուրիշները ՝ «մութ», որոնք մենք երբեմն վախենում ենք խոստովանել նույնիսկ ինքներս մեզ: Ինչու ենք մենք ընդհանրապես պատկերացնում ինտիմ փորձերի մասին և ինչ կարող են այս մտքերը պատմել մեր մասին:
Գտնում են, որ դրանք երբեմն չիրականացված ցանկությունների և երազանքների արտացոլումը կարող են լինել:
Բայց խնդիրն այն չէ, որ ֆանտազիաները կասկածի տակ են դնում մեր առնականությունը, կանացիությունը, պարկեշտությունը կամ զուգընկերոջ հանդեպ սերը: Մենք դա անում ենք ինքներս՝ փորձելով ֆանտազիաները հանել մեր գլխից: Խնդիրն է առաջանում այն դեպքում միայն, երբ ֆանտազիայի տարածքը արգելափակվի կամ մենք զգույշ չլինենք մեր զուգընկերոջ հետ: Մենք պետք է գտնենք այն չափանիշները, որոնք նորմալ են ոչ միայն մեզ համար այլ նաև դիմացինի,զույգի համար:
Առաջին հերթին, դուք պետք է ինքներդ ընդունեք ձեր սեքսուալ երևակայությունները: Ինչի մասին էլ երազում եք, սրանք անգիտակից վիճակի պատկերներ են: Սա դեռ չի խոսում ձեր մասին որպես անձի: Մարդը երբեմն ինքն իրեն մեղադրում է սխալ մտքերի համար, պատժում և վախենում է ապրել իր սեքսուալությամբ: Բայց չնայած ցանկացած արգելքին, ֆանտազիաները վերադառնում են և ամեն ինչ նորից է սկսվում:
Զգուշացում. Եթե բռնության, մանկապղծության և որևէ այնպիսի ֆանտազիայի մասին օբսեսիվ (կպչուն ) մտքեր ունեք, որտեղ խախտում են այլ անձի սահմանները և իրավունքները, ապա անպայման դիմեք բժշկի:
Հնարավոր է և անհրաժեշտ է զուգընկերոջ հետ խոսել սեքսուալ ֆանտազիաների մասին, սակայն միայն ուշադիր, քանի որ կարող է նույնիսկ վնասել ձեր զուգընկերոջը, ինչպես ասում են, այլեւս ի վիճակի չլինի «տանել» ձեր երեւակայությունը: Եվ եթե դա հակասում է նրա արժեքային համակարգին, դա լրջորեն կխաթարի ձեր միջեւ վստահությունը:
Էրոտիկ ֆիլմերի դիտումը ամուսինների համար կարող է սեռական կյանքը հարստացնող և լրացնող ազդեցություն ունենալ: Երբեմն որոշ զույգերի համար դրանք անհրաժեշտ են որպես խթանիչ և բորբոքող միջավայր կարող են ստեղծել: Սակայն երբեմն ամուսիններից մեկի, հիմնականում տղամարդու մոտ կարող է զարգանալ էրոտիկ և պոռնոգրաֆիկ ֆիլմերից կախյալություն, ինչը հաճախ լիովին դուրս է մղում նրա կյանքից նորմատիվային սեռական կյանքը կնոջ հետ և պատճառ հանդիսանում խորը ամուսնական ճգնաժամի:
Ոստի և կինը, և ամուսինը պետք է պատասխանատվությամբ և բարձր գիտակցմամբ վերաբերվեն միմյանց և ընտանիքին՝ ներդաշնակ ու սիրով լի հարաբերություններ ստեղծելու և պահպանելու համար:
