Գիտնականները կորոնավիրուսի վտանգավոր ձեւի մարկեր են հայտնաբերել

Սասսարիի (Իտալիա) համալսարանի եւ Ֆիլինդերսի (Ավստրալիա) համալսրանի գիտնականները կորոնավիրուսի վտանգավոր ձեւի մարկեր են հայտնաբերել, որը կարող է պացիենտի մահվան հանգեցնել: Այս մասին ասվում է նոր հետազոտության մեջ, որը հրապարակվել է International Journal of Infectious Diseases ամսագրում:

Ինչպես հայտնում է Health Europe-ը,  գիտնականները կատարել են PubMed- ի, Web of Science-ի եւ Scopus-ի տվյալների մեթաանալիզ, ուսումնասիրել են կապը COVID-19-ի ախտանիշների, շիճուկային ամիլոիդ A (SAA) սպիտակուցի կոնցենտրացիաների կորոնավիրուսով վարակված պացիենտների եւ պացիենտների գոյատեւման միջեւ: Մեթաանազլիում ընդգրկվել է 19 ուսումնասիրություն, որոնց մասնակցել են ընդհանուր 5617 կորոնավիրուսով վարակված պացիենտներ: Ավելին, 3723 մարդու մոտ (49%) հիվանդությունն ընթացել է մեղմ կամ միջին ծանրության:

Արդյունքների վերլուծությունը ցույց է տվել, որ SAA- ի կոնցենտրացիան զգալիորեն բարձր է այն հիվանդների մոտ, ովքեր չեն գոյատեւել կամ ունեն COVID-19 շատ ծանր ձեւ: Ստանդարտացված միջին տարբերությունը (SMD) մեղմ եւ ծանր հիվանդների խմբերի միջեւ կազմել է 1,20  95% վստահության միջակայքով `0,91-1,49, ինչը ցույց է տալիս ուժեղ կապ SAA բարձր արժեքների եւ խիստ COVID-19- ի միջեւ: Գիտնականները գտել են նաեւ կապ ամիլոիդ A մակարդակի եւ սեռի միջեւ, ինչը կարող է բացատրել, թե ինչու են տղամարդիկ ավելի խոցելի վիրուսի նկատմամբ:

Գիտնականներն ասում են, որ SAA-ի հետեւումը, որը ծառայում է որպես հիվանդության ծանր բարդությունների նշան, կարող է օգտակար լինել ռիսկի խմբերը հայտնաբերելու եւ կորոնավիրուսային վարակով հիվանդների վիճակը վերահսկելու համար:

Հայտնի է, որ SAA-ն զգալիորեն ակտիվանում է սուր փուլային պատասխանի ժամանակ: Ամիլոիդ A-ի նորմալ կոնցենտրացիան 20-50 միլիգրամ է մեկ լիտրի համար, բայց սուր փուլային արձագանքի առաջին 24-48 ժամվա ընթացքում այն ​​կարող է աճել մինչեւ 1000 անգամ: Դա պայմանավորված է լյարդում սպիտակուցների արտադրության ավելացմամբ, որը հրահրվում է ի պատասխան այնպիսի խթանների, ինչպիսիք են ինտերֆերոն գամմա, ինտերլեյկին-1β եւ -6, եւ ուռուցքային նեկրոզային գործոն (TNF): Իր հերթին, SAA-ն ուժեղացնում է բորբոքումը՝ ավելացնելով այդ գրգռիչների սինթեզը եւ ակտիվացնելով այլ հակաբորբոքային ցիտոկիններ, որոնք կարող են առաջացնել ցիտոկինային փոթորիկներ եւ այլ բարդություններ COVID-19-ի ժամանակ:

news.am