Տպել
Շատ աղջիկներ եւ կանայք բարակ մազերի խնդրի մասին ոչ թե լսել, այլ բախվել են դրան։
Բարակ մազերը մշտապես խառնվում են եւ երկար ժամանակ վարսահարդարիչով եւ հատուկ սանրերով հարդարված մազերը րոպեներ անց խառնվում են։
Իհարկե, ցանկացած կին երազում է փարթամ մազեր ունենալ, բայց ինչ անել եթե բնությունը այդ հարցում շռայլ չի գտնվել։
Հետեւեք մազերի մաքրությանը
Հենց որ բարակ մազերը կեղտոտվում են, նրանք միանգամից «ընկնում» են։ Այդ պատճառով, պետք է գլուխը ավելի հաճախ լվանալ, բայց չպետք է չափն անցնել, քանի որ գլուխը շատ լվանալը հեռացնում է մաշկի պաշտպանիչ սեբումի շերտը։
Մազերի արմատներին բալզամ մի քսեք
Բալզամը բարելավում է մազերի կառուցվածն ու վիճակը եւ հարթեցնում է կուտիկուլները։ Սակայն բալզամի մեջ առկա որոշ բաղադրիչներ նպաստում են մազերի ծավալի նվազեցմանը, այդ պատճառով բալզամը միայն մազերի ծարերին քսեք։
Մի պառկեք քնելու թաց մազերով
Փորձագետները ընդհանրապես խորհուրդ չեն տալիս քնել թաց մազերով. դա վնասում է մազերը։ Իսկ առավոտյան բարակ մազերը կորցնում են իրենց փարթամությունն ու խառնվում են։ Այդ դեպքում մեծ ջանքեր են պահանջվում նման մազերը սանրելու եւ հարդարելու համար։
Մազերը հարդարելիս գլուխը կախեք
Այս հնարքը կօգնի Ձեր սանրվածքին ծավալ եւ փարթամ տեսք է տալ, հատկապես եթե հավելյալ ծավալ հաղորդող միջոցներ եք օգտագործում։
Մի օգտագործեք պլաստմասե սանրեր
Այս նյութից պատրաստված սանրերը էլեկտրականացնում են բարակ մազերը. սանրվածքը հաստատ լավ տեսք չի ունենա։ Ընտրեք բնական մազիկներով կամ փայտե սանրեր։
Օգտագործեք մազերի համար նախատեսված լաքեր
Բարակ եւ ուղիղ մազերի սանրվածքն ավելի երկար պահելու համար հատուկ լաքեր օգտագործեք։ Ինչպես նաեւ կարելի է լաքով գզել մազերը։
