Տպել
Ռուսաստանի առողջապահության նախարարության Ֆտիզիոպուլմոնոլոգիայի եւ վարակիչ հիվանդությունների Ազգային բժշկական հետազոտական կենտրոնի գիտնականներն առաջարկել են ՄԻԱՎ-ի բուժման նոր, բարձրարդյունավետ մոտեցում։
Ինչպես պատմում է ՌԻԱ «Նովոստի»-ն, ներկայում ՄԻԱՎ-ից լիակատար բուժվելն անհնար է, եւ պացիենտները ստիպված են դեղեր խմել ամբողջ կյանքի ընթացքում։ Ընդ որում՝ բարձրանում է անցանկալի կողմնակի էֆեկտների ռիսկը, չէ՞ որ բուժման սխեմաների ճնշող մեծամասնությունը ներառում է տենոֆովիր դեղանյութը, որը թունավոր է երիկամների համար եւ առաջ է բերում ոսկրերի ամրության նվազում։
Ռուս գիտնականների առաջարկած բուժման նոր մեթոդը ենթադրում է անցում բուժման եռակի համակարգից երկակիի։ Առաջին կես տարում թերապիան ներառում է տենոֆովիր, իսկ հետո պացիենտները հանում են այն եւ ընդունում դոլուտեգրավիր եւ էմտրիցիտաբին։ Ինչպես պարզաբանել են կենտրոնում, բուժումն սկսելուց վեց ամիս հետո հիվանդների մոտ ձեւավորվում է սեփական իմունային պատասխան ՄԻԱՎ-ի դեմ, իսկ մնացած բաղադրիչներն ուժեղացնում են մեկը մյուսին։ Ուստի, թերապիայի կրկնակի սխեման բավարար է դառնում վիրուսի լիակատար ճնշման համար եւ, միաժամանակ, չի ունենում ոչ անմիջական, ոչ էլ մնացորդային թունայնություն։
