Տպել
Եթե հոգնել եք պրոբլեմատիկ մաշկից և բշտիկների դեմ անդադար պայքարից, ապա օգտվեք մեր առաջարկած բանջարեղենից: Այն ոչ միայն մաքրում է մաշկը, այլև թարմ տեսք է հաղորդում դրան:
Խոսքը ոչ միայն բշտիկների մասին է, այլև այն մասին, թե ինչպես ազատվել աչքերի շուրջ հայտնված սև շրջանակներից:
Այս ամենի համար ձեզ անհրաժեշտ է ընդամենը կարտոֆիլ: Հասարակ կարտոֆիլն ուղղակի հրաշալի կոսմետիկ միջոց է:
Մեկ միջին չափի կարտոֆիլը լավ լվացեք, կտրեք առանց մաքրելու և գործի անցեք:
Ի՞նչ է պետք անել
Դեմքը լվացեք օճառով կամ այլ մաքրող միջոցով: Ապա դեմքը չորացրեք, և այն պատրաստ է պրոցեդուրային:
Մերսում
Այս փուլում մաքրում ենք դեմքը: Մեկ կտոր կարտոֆիլով մերսեք դեմքը: Զգուշորեն շրջանաձև շարժումներով 10 րոպե մերսեք դեմքը: Հատուկ ուշադրություն դարձրեք պրոբլեմատիկ հատվածներին:
Դիմակ
Այս փուլի համար ձեզ անհրաժեշտ է կարտոֆիլ և բլենդեր: Կարտոֆիլը մանրացրեք, ազատվեք մեծ կտորներից, իսկ մնացածը լցրեք ափսեի մեջ: Կստանաք ջրիկ զանգված: Ստացված խյուսին ավելացրեք ալոէի հյութ և խառնուրդը քսեք դեմքին, թողեք մնա 20 րոպե, որից հետո լվացեք:
Բոլոր պրոցեդուրաներն ավարտելուց հետո դեմքը լվացեք գոլ ջրով և չորացրեք:
Ինչո՞ւ հենց կարտոֆիլ
Այն պարունակում է վիտամիններ և հանքանյութեր, որոնք կարելի է հանդիպել կոսմետիկ միջոցների բաղադրություններում: Կարտոֆիլն օգնում է այրվածքների և մաշկի գրգռման դեպքում: Սակայն խուսափեք կարտոֆիլի հյութի՝ բաց վերքերի հետ շփումից:
7 օր շարունակ կրկնեք պրոցեդուրաները, և արդյունքը սպասել չի տա:
Նյութը հրապարակման պատրաստեց Լիլիթ Հարությունյանը
