Նուռ՝ դեմքի խնամքի նոր միջոց

Նուռը բավականին օգտակար, վիտամիններով հարուստ պտուղ է, որը հիմնականում կարելի է հանդիպել արեւադարձային եւ մերձարեւադարձային գոտիներում։ Հնում այն համարվում էր պտղաբերության եւ հարստության խորհրդանիշ եւ օգտագործվել է որպես անքնության դեմ պայքարի միջոց։ Այն նաեւ կիրառել են կտորները եւ բուրդը ներկելու համար։

Սակայն նուռը կարելի է կիրառել նաեւ որպես հիմք՝ դեմքի խնամքի միջոցներ պատրաստելու համար։ Այսօր առաջարկում ենք մի քանի դիմակների բաղադրատոմս, որոնք կօգնեն ձեզ խոնավեցնել, սնուցել ու սպիտակեցնել մաշկը։

Դիմակ՝ չոր մաշկի համար. երկու ճաշի գդալ նռան հյութը պետք է լցնել մեկ ձվի դեղնուցով,  մեկ թեյի գդալ բնական մեղրով, մեկ թեյի գդալ բուսական յուղով եւ տաք կաթի մեջ լցված մեկ թեյի գդալ վարսակի փաթիլներով լի տարայի մեջ։ Ստացված խառնուրդը 15 րոպե անց պետք է լվանալ։

Դիմակ՝ յուղոտ մաշկի համար։ Այս պարագայում կարելի է նռան հյութը, առանց որեւէ այլ բաղադրիչներով խառնելու, օրական երկու անգամ բամբակի օգնությամբ քսել դեմքին։ Բայց կարելի է նաեւ հատուկ դիմակ պատրաստել։ Պարզապես հարկավոր է մանրացնել նռան կեղեւը եւ խառնել մեկ ճաշի գդալ նռան հյութով ու մեկ ձվի սպիտակուցով։ Դիմակը պետք է լվանալ 15 րոպե անց։

Աղբյուրը՝ cosmetology-info.ru