Տպել
Մարմնի վրա խալերի մեծ թիվն էապես բարձրացնում է մելանոմայի (ուլտրամանուշակագույն ճառագայթներից կամ խալերից առաջացող ուռուցք-խմբ.) զարգացման վտանգը։ Այս մասին «Ռոսիա 1» հեռուստաալիքի եթերում ասել է բժիշկ, հեռուստահաղորդավար Ալեքսանդր Մյասնիկովը։
Նրա կարծիքով՝ այդ մարդիկ պետք է, այսպես ասած, «մաշկի անձնագիր» վարեն։
«Ցանկացած խալ կարող է «վերածնվել»։ Եվ որքան շատ են դրանք, այնքան ավելի շատ «նյութ կա վերածնվելու համար»,- պարզաբանել է բժիշկը։
Ինչպես նշել է Մյասնիկովը՝ այն մարդիկ, որոնք մարմնի վրա ունեն ավելի քան հինգ խալեր, պետք է պարբերաբար լուսանկարեն դրանք, որպեսզի բաց չթողնեն վտանգավոր արտաքին փոփոխությունները: Նրա խոսքով՝ պետք է հաշվի առնել խալերի հաստությունը. եթե այն գերազանցում է մեկ միլիմետրը և մաշկից բարձր է, անհրաժեշտ է դիմել մասնագետի։
Մելանոմայի զարգացումից խուսափելու համար Մյասնիկովը խորհուրդ է տալիս սոլյարիներ չայցելելել ՝ բարձր աստիճանի ուլտրամանուշակագույն ճառագայթման պատճառով։
