Տպել
Որոշ մթերքների օգտագործումը կարող է այտուցների առաջացման պատճառ դառնալ։ Ուստի նման խնդիր ունեցող մարդիկ ցանկալի է, որ ավելի ուշադիր լինեն իրենց կերակրացանկի մթերքներն ընտրելիս։
Ինչպես տեղեկացնում է ՌԻԱ «Նովոստի»-ն, սննդաբան-նուտրիցիոլոգ Իրինա Կարաեւան խորհուրդ է տալիս դեմքի այտուցների դեմ պայքարելու համար առաջին հերթին հրաժարվել կաթնամթերքներից եւ շաքարից։ Դրանց փոխարեն պետք է օգտագործել այծի կաթից պատրաստված կամ առանց լակտոզայի կաթնամթերքներ։
«Շաքարը բարձրացնում է արյան մեջ ինսուլինի մակարդակը եւ խանգարում ջրի արդյունավետությանը։ Նաեւ գլյուտենը, ուստի ցորենի հացն ու ալրեղենը կարող են լինել այտուցների գլխավոր պատճառներից մեկը։ Գլյուտենի ավելցուկը վնասում է բոլորին, փորձեք հրաժարվել դրանից մեկ-երկու ամիս եւ հաճելի փոփոխություններ կնկատեք»,- ասել է մասնագետը։
Նրա խոսքով՝ այտուցների առաջացման ժամանակ գլխավոր սխալը ջրազրկումն է ջրի անբավարար օգտագործման պատճառով։
«Վերացրեք այդ մթերքները ձեր կերակրացանկից, սկսեք առողջ կենսակերպ վարել, բավականաչափ ջուր խմեք եւ ժամանակին պառկեք քնելու։ Եվ արդեն մեկ-երկու շաբաթ հետո ձեզ այլեւս չեն անհանգստացնի այտուցներն, ու էներգիա կհայտնվի»,- ասել է սննդաբանը։
