Տպել
SpaceX-ը Սուրբ Ծննդյան նվերներ, քաղցրավենիքներ եւ անհրաժեշտ իրեր է ուղարկել Միջազգային տիեզերակայան, հայտնել է AP-ն։
Falcon հրթիռն է բարձրացրել ՆԱՍԱ-ի Քենեդու անվան տիեզերական կենտրոնի՝ յոթ տիեզերագնացների համար ավելի քան 2950 կգ հանդերձանքով բեռնված Dragon խցիկը:
Չորեքշաբթի տիեզերակայան ժամանելիք իրերը ներառում են տիեզերագնացների ընտանիքների ամանորյա նվերներ, ինչպես նաեւ ապխտած ձուկ եւ հնդկահավ, կանաչ լոբի եւ տոնական խնջույքի կեքսեր:
Առաքումը ներառում է նաեւ լվացքի միջոցի փորձարկում: Կայանի տիեզերագնացներն այժմ դեն են նետում իրենց կեղտոտ հագուստները. Procter & Gamble Co. մշակում է լիովին տարրալուծվող լվացող միջոց՝ կայանում, Լուսնի վրա եւ դրա սահմաններից դուրս հետագա օգտագործման համար:
SpaceX-ը տարին ավարտում է 31 արձակումով։
