Տպել
Բրիտանացի պալեոնտոլոգները պարզել են, որ 2004 թվականին Լա Մանշի Ուայթ կղզում հայտնաբերված դինոզավրի մնացորդները պատկանում են Velociraptor-ի հետ կապված նախկինում անհայտ տեսակի՝ Vectiraptor greeni-ին։ Այս մասին ասվում է Բաթի համալսարանի կայքում։
«Դա սկիզբ է առել վաղ ժամանակաշրջանից՝ ավելի քան 100 միլիոն տարի առաջ: Նոր կենդանին անվանվել է Vectiraptor greeni՝ ի պատիվ տեղացի կոլեկցիոներ Միք Գրինի, ով հայտնաբերել է ոսկորները՝ կղզու հարավային ափի ժայռերից դրանք լվանալուց հետո»,- ասվում է հաղորդագրության մեջ:
Նշվում է, որ կենդանին ունեցել է մոտ 3 մետր երկարություն, իսկ ոտքերին՝ հսկայական կտրող ճանկեր, որոնցով նա գործ է ունեցել իր զոհի հետ։ Vektiraptor-ը պատկանում էր դրոմեոզավրերի խմբին։ Այն ծածկված է եղել երկար փետուրներով։
«Դա մեծ և շատ ամուր կազմվածքով կենդանի էր՝ հաստ մաշկով ու հսկա ոսկորներով: Նա ակնհայտորեն ոչ թե փոքր, այլ նույն չափի կամ իրենից մեծ կենդանիների էր որսում», – ասում է Բաթի համալսարանի հետազոտության ղեկավար Նիկ Լոնգրեյչը ՝ հավելելով. որ նա կարող էր ընձառյուծի պես մագլցել ծառերի վրա։
Ենթադրվում է նաև, որ կենդանին այդկերպ դարանակալել և սպասել է իր զոհին։
