Տպել
Համաճարակաբանության Կենտրոնական գիտահետազոտական ինստիտուտի (Ռուսաստան) գիտնականները մշակել են կորոնավիրուսի օմիկրոն շտամի 3 ենթատեսակի հայտնաբերման մեթոդ։
Ինչպես տեղեկացնում է «Ռոսպոտրեբնադզոր»-ը, ավելի վաղ ստեղծվել էր դելտա շտամի 2 եւ օմիկրոնի 4 մուտացիաների հայտնաբերման փրայմերների եւ զոնդերի հավաքածու։ Այդ վահանակի հիման վրա էլ ստեղծվել է նորույթը, որը կարող է մի քանի ժամում ստույգ արդյունք ստանալ։
Այս մեթոդը նախատեսվում է ակտիվորեն օգտագործել սքրինինգային հետազոտությունների համար, ինչը հնարավորություն կտա օպերատիվ կերպով իրականացնել վիրուսաբանական մոնիթորինգ եւ ժամանակին արձագանքել երկրում համաճարակաբանական իրավիճակի փոփոխություններին։
