Տպել
Չինացի գիտնականները հայտնաբերել են մանրէներ, որոնք մեծացնում են կրծքագեղձի քաղցկեղի մետաստազների հավանականությունը։ Այս մասին տեղեկացվել է այն հետազոտությունում, որի արդյունքները նկարագրվել են Cell ամսագրում։
Մկների վրա իրականացված հետազոտությունում գիտնականներն ուռուցքների մեծ մասում հայտնաբերել են ոչ միայն քաղցկեղածին բջիջներ ու իմունագլոբուլիններ, այլեւ կողմնակի միկրոօրգանիզմներ։ Մասնագետները որոշել են մանրամասն ուսումնասիրել դրանց դերը քաղցկեղի եւ մետաստազների առաջացման գործում։
Պարզվել է, որ մանրէների որոշ տեսակներ (Staphylococcus xylosus, Staphylococcus cuniculi եւ Lactobacillus animalis) բարձրացնում են մետաստազների առաջացման վտանգը։ Բացի այդ, այդ միկրոբների հայտնվելը փորձարկվող կենդանիների կաթնագեղձում ուղղակիորեն ազդել է քաղցկեղածին օջախների առաջացման արագության վրա։
Հայտնաբերված մանրէները նաեւ ի վիճակի են եղել ինտեգրվել ուռուցքում եւ փոխել քաղցկեղի՝ տեղաշարժի եւ դիմադրելու արագության համար պատասխանատու բջիջների գենետիկ կառուցվածքը։
Հետազոտողները հետագայում նախատեսում են ուսումնասիրել այդ միկրոօրգանիզմների աշխատանքի մեխանիզմը եւ մշակել ուռուցքներում մանրէների հայտնվելը կանխելու միջոցներ։
