Տպել
«Ինչպես սպանել ամուսնուդ» էսսեի ամերիկացի հեղինակ Նենսի Քրեմփթոն-Բրոֆին մեղավոր է ճանաչվել ամուսնու սպանության մեջ: Հինգշաբթի օրը՝ մայիսի 26-ին, գրում է The Guardian-ը։
Դատախազի խոսքով՝ կինը սպանել է ամուսնուն՝ ապահովագրական միջոցներ ստանալու համար։
Նրա ամուսնու՝ Դանիել Բրոֆիի մարմինը հայտնաբերվել է 2018 թվականի հունիսի 2-ին Փորթլենդի հարավ-արևմուտքում գտնվող Օրեգոնի խոհարարական ինստիտուտի մոտ, որտեղ նա աշխատում էր:
Կնոջ մասնակցությունը ամուսնու սպանությանը վկայում էին տեսախցիկների կողմից տեսագրված կադրերը, որոնք արձանագրում էին, թե ինչպես է նա մեքենայով գնում դեպի Դանիելի աշխատավայր և վերադառնում։ Նա այնտեղ է եղել հանցագործության կատարման ժամանակ։ Այնուամենայնիվ, Քրեմփթոն-Բրոֆին արդարացրել է իր ներկայությունը որպես զուտ պատահականություն: Նրա խոսքով՝ ինքը կայանել է այդ տարածքում, բայց միայն իր էսսեի վրա աշխատելու համար։
Դատավճիռը կկայացվի հունիսի 13-ին։ Քրեմփթոն Բրոֆիի փաստաբաններից մեկն ասել է, որ պաշտպանական կողմը կբողոքարկի որոշումը:
