Չինաստանը ատոմակայան է մշակում լուսնային բազան սնուցելու համար

Այն կկառուցվի 2028 թվականին, բայց մեծ մասամբ կայանը դատարկ է լինելու։

Չինաստանի լուսնային նախագծի ղեկավար Ու Վեյրենը հայտնել է, որ իրենց կայանը Լուսնի հարավային բևեռում աշխատելու է միջուկային էներգիայով։ Երկրի գիտնականներն արդեն աշխատում են այնպիսի համակարգի վրա, որը կարող է բավարարել «երկարաժամկետ կարիքները»:

Վեյրենը չի հայտնել տեխնիկական մանրամասներ կառուցվող ռեակտորի մասին, սակայն նախկինում ասվում էր, որ այն կկարողանա արտադրել 1 մեգավատտ էլեկտրաէներգիա, որը բավարար է հարյուրավոր տների համար մեկ տարվա ընթացքում:

Նման կայանը կկարողանա ապահովել գործիքների ու մեխանիզմների աշխատանքի, ինչպես նաև տիեզերագնացների համար անհրաժեշտ էներգիա, մասնավորապես՝ թթվածնի և ջրի արտադրության համար։

Սպասվում է, որ չինական լուսնային կայանի կառուցումը կավարտվի մինչև 2028 թվականը: Դրա հիմնական կոնֆիգուրացիան բաղկացած կլինի վայրէջքից, բունկերից և ուղեծրից, ինչպես նաև լուսնային ռովերից: Վերջինս, ըստ Վեյ Ռենի, կկարողանա տիեզերագնացներ տեղափոխել։

Կայանի բոլոր տարրերը կհասցվեն Լուսին Chang’e-6, Chang’e-7 և Chang’e-8 առաքելությունների շրջանակներում: Դրանից անմիջապես հետո չինացի տիեզերագնացներն առաջին անգամ ոտք կդնեն արբանյակի վրա:

Ավելի ուշ կայանը կարող է դառնալ միջազգային, և ժամանակ առ ժամանակ այնտեղ կաշխատեն տիեզերագնացներ Չինաստանից, Ռուսաստանից և այլ պոտենցիալ գործընկեր երկրներից։ Բայց շատ ժամանակ կայանն ամայի կմնա, նշել է գիտնականը։

Սիրարփի Աղաբաբյան