Տպել
Ադրբեջանի սադրանքներն ուղղված են նրան, որ մերոնք կրակ բացեն, եւ ադրբեջանցիները սկսեն ռազմական գործողությունները, իսկ դա կլինի երկրորդ ճակատի բացում ռազմական գործողությունների հարավային ասպարեզում։ Հայերը զոհ են, այդ ամենը Ռուսաստանի դեմ է։ Այս մասին մարտի 6-ին NEWS.am-ի թղթակցի հետ զրույցում ասաց Հայաստանի զինված ուժերի գլխավոր շտաբի նախկին պետ, գեներալ-լեյտենանտ Նորատ Տեր-Գրիգորյանցը։
Նա դա անվանել է երկրորդ ճակատ բացելու երկրորդ փորձ, առաջինը եղել է Լաչինի միջանցքի գրավման ժամանակ։
«Այս բոլոր սադրանքները կարող են հանգեցնել Ադրբեջանի եւ Լեռնային Ղարաբաղի հայերի միջեւ մարտերի»,- կարծում է Տեր-Գրիգորյանցը։
Գեներալը նշեց, որ Ադրբեջանն ինքը չէր կարող հարձակվել Լեռնային Ղարաբաղի վրա, քանի որ գիտեր, որ պարտվելու է, հիշեցնելով, որ Լեռնային Ղարաբաղը 44 օր շարունակ հետ է մղել Ադրբեջանի, ՆԱՏՕ-ի Թուրքիայի զինված ուժերի, 3000 իսլամիստների, պակիստանցիների եւ Իսրայելի գրոհները։ ՄԱԿ-ի գլխավոր քարտուղարը պետք է շքանշան տար ղարաբաղցիներին»,- ընդգծեց նա։
Գեներալը կոչ արեց վերականգնել Հայաստանի անվտանգության համակարգը, որի թուլացումը թույլ է տալիս հակառակորդին օգտագործել «ներթափանցման չինական մեթոդը»։
«Պատերազմի ժամանակ մարտական կարգը ամբողջությամբ ավերվել է՝ գրավվել են Ջաբրայիլը, Շուշին, Կուբաթլին եւ այլն։ Քաոս է առաջացել, վատ են կառավարել, հրամանատարության միասնություն չի եղել։ Պատերազմի օրենքով՝ թուլացած կառավարման համակարգի դեպքում բանակը պարտություն է կրում»,- ասաց Տեր-Գրիգորյանցը։
