Տպել
Մասաչուսեթս նահանգում՝ Հարվարդի համալսարանում, տեղի է ունեցել Շնոբելյան ամենամյա մրցանակաբաշխությունը՝ Նոբելյան մրցանակի կատակ նմանօրինակը:
Շնոբելյան մրցանակի է արժանացել կենսաբան Ահմեդ Շաֆիքը, որը պարզել է, որ պոլիեսթերից ներքնազգեստը լավ հակաբեղմնավորիչ է:
Հունգարացի, իսպանացի, շվեդ և շվեյցարացի հետազոտողների խումբը պարգևատրվել է ֆիզիկայի ոլորտի մրցանակով: Նրանք ապացուցել են, որ շնաճանճերը չեն նստում սպիտակ ձիերի վրա նրանց աչքերի կառուցվածքի առանձնահատկությունների պատճառով:
Քիմիայի ոլորտում Շնոբելյան մրցանակի է արժանացել Volkswagen կոնցեռնը մեքենաների ծրագրային ապահովման համար, որը թույլ է տալիս շրջանցել ԱՄՆ էկոլոգիական խիստ նորմերը: Գերմանացիները Շնոբելյան մրցանակ են ստացել նաև բժշկության ոլորտում: Նրանք ապացուցել են, որ հնարավոր է թեթևացնել քորը մարմնի մի մասում՝ հայելու մեջ նայելով հակառակ կողմը քորելով:
Հոգեբանության ոլորտում մրցանակ է ստացել գիտնականների միջազգային խումբը, որոնք պարզել են, որ ամենահմուտ ստախոսները երիտասարդներն ու դեռահասներն են:
Մարդկային ընկալման աշխատանքը պարզելու համար մրցանակ են ստացել ճապոնացի գիտանականները, որոնք պարզել են, որ առարկաներին գլխիվայր իր ոտքերի արանքից նայելու դեպքում դրանք ավելի մոտ են թվում:
Շնոբելյան մրցանակը շնորհվում է ամեն տարի՝ 1991 թվականից ի վեր, գիտական նվաճումների համար, որոնք սկզբում ծիծաղ են առաջացնում, այնուհետև ստիպում խորհել։ Այս մասին հայտնում է meganewsweb.com-ը:
