Տպել
Ժամանակին Հարվարդի պատմության ամենաերիտասարդ ուսանող Ուիլյամ Ջեյմս Սիդիսը համարվել է բոլոր ժամանակների ամենաշնորհալի երեխան: Այս մասին գրում է rusarminfo.ru-ն:
Ռուսական կայսրությունից ԱՄՆ տեղափոխված հրեաների երեխան ծնվել է 1898 թ. Նյու-Յորքում: Նա 8 տարեկանում արդեն հասցրել է սովորել հայերեն, լատիներեն, հունարեն, ռուսերեն, գերմաներեն, թուրքերեն, եբրայերեն:
Ուիլյամը կարողացել է ազատորեն հայերեն խոսել և տեքստեր թարգմանել:
Նա 11 տարեկանում ընդունվել է Հարվարդի համալսարան, 16 տարեկանում այն գերազանց ավարտել: Ավարտելուց հետո մաթեմատիկա է դասավանդել Հարվարդում:
Այդ ժամանակվա թերթերը նրան անվանել են «բոլոր ժամանակների ամենախելացի երեխան»:
Սակայն հասուն տարիքում Ուիլյամը զգալի հաջողությունների չի հասել: Ճգնավոր է դարձել, որպես հասարակ հաշվապահ է աշխատել:
Ուիլյամ Ջեյմս Սիդիսը մահացել է 46 տարեկանում, ներուղեղային արյունազեղումից:
