Տպել
Եթե անկողնու միևնույն սպիտակեղենը երկար ժամանակ օգտագործեք, նրա մեջ կարող են կուտակվել ախտածին միկրոօրգանիզմներ և/կամ սնկեր, որոնք կարող են տարբեր հիվանդություններ և ալերգիկ ռեակցիաներ առաջացնել, պնդում է միկրոկենսաբան Ֆիլիպ Տիերնոն New York University-ից:
Մարդու օրգանիզմը տարվա մեջ անկողնում արտադրում է մոտ 98 լիտր քրտինք: Տարվա տաք եղանակին այդ խոնավ միջավայրը կատարյալ վայր է դառնում սնկերի բազմացման համար: Այդ պատճառով անկողնու սպիտակեղենը պատք է փոխել ոչ ուշ, քան շաբաթը մեկ անգամ, հավաստիացնում է մասնագետը:
Վերջերս արված հետազոտության ժամանակ, որը գնահատում էր անկողնային պարագաների սնկերով ախտահարվածության մակարդակը, գիտնականները հայտնաբերել են, որ փետրե և արհեստական բարձերը, որոնք օգտագործվել են 1,5-ից մինչև 20 տարի, կարող են պարունակել 4-ից մինչ 17 տարբեր տեսակի սնկեր, որոնցից շատերը կարող են ախտածին լինել:
Ի հավելում սնկերի ու մանրէների, երկարատև օգտագործումից Ձեր անկողնու սպիտակեղենը աղտոտվում է քրտնքից, թքից, մաշկի մահացած բջիջներից, հեշտոցային ու հետանցքային արտադրություններից, ինչպես նաև թեփից ու փոշուց: Այդ միջավայրն աղտոտում են նաև մանր փոշու մանր միջատները, որոնց արտաթորանքները նույնպես հայտնվում են Ձեր սպիտակեղենի մեջ: Մեկ շաբաթվա ընթացքում այդ աղտոտվածության քանակը զգալիորեն մեծանում է, հավաստում է Ֆիլիպ Տիերնոն: Այդ աղտոտվածությն որոշ բաղադրիչներ կարող են ալերգիա, ասթմա, մաշկային հիվանդություններ, ինչպես նաև եղունքների և մազածածկույթի հետ կապված խնդիրներ առաջացնել:
«Եթե դուք պատահաբար փողոցում շնաղբի ձեռք տաք, դուք հավանաբար կցանկանաք անմիջապես լվանալ ձեռքերը: Դա կիրառեք նաև Ձեր անկողնու նկատմամբ: Եթե դուք տեսնեիք, թե ինչ է այնտեղ գտնվում (թեև չեք տեսնում), անպայման ինքներդ Ձեզ կհարցնեիք, թե արդյոք ուզում եք այդտեղ քնել»,- եզրափակել է պրոֆեսոր Թիերնոն:
med.news.am
