Տպել
Դիետիկ սմուզիի 150 գրամում պարունակվում է նույն քանակությամբ շաքար, որքան կրեմով 8 փքաբլիթում: Այսպիսի եզրակացություն է կատարել բրիտանական Mail Online-ը, որն իր հետազոտության արդյունքները հրապարակել է Daily Mail պարբերականում:
Նրանք ուսումնասիրել են 6 հանրահայտ սմուզի արտադրողների, որոնք շաքարի ցածր պարունակություն ունեն: Սմուզիի մեկ չափաբաժնում շաքարի քանակությունը կազմել է մոտ 70 գրամ, ինչպես կոկա-կոլայի մեկ բանկայում, և սա այն դեպքում, երբ մեծահասակները պետք է գործածեն օրական ազատ շաքարի 30 գրամից ոչ ավելի:
Սմուզիի 750 մլ-անոց որոշ բանկաներում հետազոտողները հայտնաբերել են 100 գրամից ավելի շաքար: Մեկ Krispy Kreme’s Original Glazed փքաբլիթում պարունակվում է ընդամենը 12, գրամ շաքար: Իհարկե, սմուզին, միևնույն է, փքաբլիթից օգտակար է, քանի որ պարունակում է նաև թե՛ վիտամիններ, թե՛ բջջանյութ, բայց շաքարի նման պարունակությունը մասնագետներին ցնցել է:
Դիետոլոգների խոսքով՝ որպես կանոն, մարդիկ ուշադրություն չեն դարձնում սմուզիի չափաբաժնի չափին և գնելուց առաջ չեն կարդում պիտակի վրա գրվածը: Իրականում շաքարի նման քանակությունը առողջության համար սպառնալիք է կրում և կարող է դառնալ այնպիսի հիվանդությունների զարգացման պատճառ, ինչպես դիաբետը կամ ճարպակալումը, ուստի այդպիսի սմուզիները ոչ մի դեպքում չի կարելի համարել «առողջ» կամ «օգտակար»:
