Տպել
Աղն իրականում այդքան էլ վնասակար չէ, ինչպես ընդունված է կարծել: Աղի օգտագործումը միայն աննշան չափով է նպաստում սրտանոթային հիվանդությունների զարգացմանը կամ մահացության ռիսկի մեծացմանը: Այս մասին հայտնում է Սրտաբանների եվրոպական հանրությունը:
«Աղի (նատրումի քլորիդ) ուսումնասիրության մեր արդյունքները լիովին համապատասխանում են խոշոր հետազոտությունների մեծամասնությանը, որոնք նվիրված են նատրիումի օգտագործման եւ սրտանոթային հիվանդությունների կամ մահացության միջեւ կապին, եւ չեն հաստատում լայն տարածում գտած այն բացասական կարծիքը, որ աղի նույնիսկ ոչ մեծ քանակությամբ օգտագործումը վնասակար է»,- ասել է Մքմաստերի համալսարանի (Կանադա) պրոֆեսոր Սալիմ Յուսուֆը:
Նա հավելել է, որ ընդհանուր առմամբ առողջության եւ մասնավորապես սրտանոթային համակարգի առողջության համար վտանգավոր է միայն աղի չափից դուրս շատ օգտագործումը՝ օրական ավելի քան 6 գրամ: Իսկ աղի չափավոր օգտագործումը լուրջ ռիսկեր չի ներկայացնում, եւ այդ պատճառով աղից ամբողջությամբ հրաժարվելու իմաստ չկա:
