Տպել
Environmental Working Group հետազոտական ընկերության մասնագետները կազմել են ցուցակ՝ բաղկացած 12 մթերքներից, որոնք ավելի շատ են աղտոտված պեստիցիդներով:
Food.News-ի հաղորդմամբ՝ այդ վնասակար նյութերը գտնվել են մրգերում և բանջարեղենում, որոնք չունեն հաստ կեղև:
Այդ ցուցակում են՝
- ելակ,
- սպանախ,
- կալե կաղամբ,
- նեկտարին,
- խնձոր,
- խաղող,
- դեղձ,
- կեռաս,
- տանձ,
- լոլիկ,
- նեխուր,
- կարտոֆիլ:
Ամենից քիչ պեստիցիդների հետքեր են գտնվել ավոկադոյի, կուկուրուզի, անանասի, ոլոռի և սոխի վրա: Մասնագետների խոսքով՝ անվտանգ են նաև պապայան, սմբուկը, ծնեբեկը, սպիտակ կաղամբը, գունավոր կաղամբը, կանտալուպա դդումը, բրոկոլին, սունկն ու դդումը:
Ցուցակը կազմելու համար մասնագետներն օգտագործել են նաև սննդամթերքի քիմիական կազմի վերլուծության հարցով տվյալները, որոնք հրապարակել էԱՄՆ գյուղատնտեսության նախարարությունը: Սակայն այլ երկրների համար վիճակագրությունը կարող է այլ լինել, չնայած նրան, որ ընդհանուր միտումն ու օրինաչափությունը պահպանվում են:
