Տպել
Ամերիկյան Dictionary.com ինտերնետ-բառարանը տարվա բառ Է ճանաչել «Էկզիստենցիալական» ածականը:
Բառարանն ստեղծողների կարծիքով՝ այս տերմինն առանձնանում Է «2019 թվականին բանավեճերի մեծ մասի թեմաներում»: Dictionary.com-ն այդպիսիք Է համարում կլիմայի փոփոխությունը, հրազենի կիրառմամբ բռնությունը, ժողովրդավարական ինստիտուտների վիճակը: Այլ հարցերի թվում, որոնց քննարկման ժամանակ հաճախակի Է հնչել «Էկզիստենցիալական» ածականը, առցանց-բառարանն առանձնացնում Է Հոնկոնգի բողոքները, Brexit-ը, Փարիզի Աստվածամոր տաճարի հրդեհը:
«Էկզիստենցիալական» բառը գործածվել Է այն սյուժեների շուրջ զրույցներում, որոնք 2019 թվականը բնորոշել են բոլոր բնագավառներում եւ ամբողջ աշխարհում (…) Այն արտացոլում Է հանուն մեր մոլորակի, մեր մերձավորների, մեր կենսակերպի գոյատեւման պայքարն ուղղակի եւ փոխաբերական իմաստով:
«Էկզիստենցիալական» (տերմինը) նաեւ մեզ ստիպում Է կարեւոր հարցեր տալ այն մասին, թե ովքեր ենք մենք, որն Է մեր նպատակը զանազան մարտահրավերների դեմ-հանդիման, ինչպես նաեւ մեզ հիշեցնում Է, որ մենք կարող ենք ընտրություն կատարել մեր ապրելակերպի եւ այն բանի միջեւ, թե ինչպես ենք պատասխանում այդ հարցերին»,- ասված Է մամուլի տեղակագրում, որը դեկտեմբերի 2-ին հրապարակվել Է Dictionary.com-ի կայքում, հաղորդել Է ՏԱՍՍ-ը:
