Տպել
Առաջին հիշատակություններն ու պատմությունը
Զուգարանի թուղթն առաջին անգամ սանիտարահիգիենիկ նպատակներով օգտագործել են Չինաստանում: Զուգարանի թղթի մասին ամենավաղ հիշատակությունները մեզ տանում են դեպի մեր թվարկությունից առաջ 589 թվական:
Արդեն 1391 թվականից կայսերական արքունիքում օրական օգտագործում էին էին 720 հազար թերթ զուգարանի թուղթ (61×91 սմ), ինչպես նաև 15 000 հատուկ՝ փափուկ ու նուրբ թերթ (19,4 սմ). այն նախատեսված էր հենց կայսեր ընտանիքի համար:
Մերօրյա զուգարանի թղթի «նախահոր» հայտնագործման գյուտը կարելի է վերագրել նյույորքցի գործարար Ժոզեֆ Գայետին, վերջինս 1857 թվականին արտադրեց զուգարանի թուղթ . այն քառակուսի կտորներով էր և փաթեթավորված էր տուփերի մեջ։ Գայետն այնքան էր տպավորված իր գյուտով, որ իր անունը տպագրել էր յուրաքանչյուր թղթի վրա:
«Թղթե փաթաթուկ»
Որպես այդպիսին` զուգարանի թուղթը (թերթիկի տեսքով) հայտնաբերվել է արդեն 1880-ական թվականներին բրիտանացի Ու. Օկլոկի կողմից և կոչվել է «թղթե փաթաթուկ»: Զուգարանի գլանաթղթի առաջին սերիական արտադրությունը սկսվել է 1890 թվականին ԱՄՆ-ի թղթի գործարանում. այն պատկանում էր Արթուր Սքոթին և կոչվում էր «Scott Paper», սակայն, որքան էլ զարմանալի է, գործարանի անունը նշված չէր այդ ապրանքի վրա:
Հետագայում…
Գլանաթղթով զուգարանի թուղթը հորինվել է գերմանացի գործարար Հանս Կլենկի կողմից 1928 թվականին: Յուրաքանչյուր գլանաթղթում նախատեսված էր հենց հազար թերթիկ: Կլենկը կասկած չուներ «փաթաթուկ»-ի արդյունաբերական արտադրության անհրաժեշտության մեջ, և 1928 թվականին նա Լյուդվիգսբուրգ քաղաքում գործարան հիմնեց: Գործարանի անվան համար նա կիրառեց իր անվան և ազգանվան առաջին տառերը` «Hakle»: Կլեկը նաև լավ մարքեթինգային քայլի դիմեց և օգտագործեց հետևյալ գովազդային լոզունգը՝
«Օգտագործեք Hakle գլանափաթեթները և դուք ստիպված չեք լինի գործածել «զուգարանի թուղթ» բառերը»:
15 տարի անց
Լոնդոնում գտնվող «Սուրբ Էնդրյու» թղթի գործարանը աշխարհին տվեց առաջին երկշերտ զուգարանի թուղթը, որը տարբերվում էր բարձրորակ փափկությամբ և ամրությամբ:
Զուգարանի թղթի արտադրությունը մեր օրերում
Այսօր զուգարանի թուղթն արտադրվում է սանիտարահիգիենիկ նպատակների համար ստեղծված հատուկ թղթից, որի համար հիմք է հանդիսանում թղթի թափոնը կամ ցելյուլոզան: Զուգարանի թուղթը լինում է միաշերտ, երկշերտ և բազմաշերտ. կարող եք ընտրել՝ ըստ ճաշակի ։ Ավելին՝ 20-րդ դարի վերջում շատ արդյունաբերողներ սկսեցին արտադրել զուգարանի խոնավ թուղթ։ Այն, հավանաբար, սկսեցին արտադրել խոնավ անձեռոցիկների ընդօրինակմամբ, բայց, ի տարբերություն դրանց, զուգարանի խոնավ թուղթը ջրում արագ լուծվելու հատկություն ունի:
