Տպել
Խանութների աշխատակիցները իրական հերոսներ են: Կորոնավիրուսային պանդեմիայի ընթացքում նրանք չեն դադարում աշխատել և վտանգում են իրենց աժողջությունը, որպեսզի մենք կարողնանք մթերքներ գնել: Նրանք արժանի են հարգանքի և երախտագիտության:
Ամերիկացի մի գանձապահ նկարագրել է, թե ինչպես հաճախորդները պետք է վարվեն սուպերմարկետներում կարանտինի ժամանակ:
- Մի գնացեք խանութ ամբողջ ընտանիքով:
- Մի խախտեք աշխատակիցների անձնական տարածությունը:
- Մի անտեսեք սոցիալական հեռավորության գծանշումները:
- Մի գնացեք խանութ, եթե հիվանդության ախտանշաններ ունեք:
- Աշխատակիցներին խորհուրդ մի տվեք, թե ինչպես է պետք ավելի լավ պաշտպանվել:
- Մի գնացեք խանութ՝ պարզապես զբոսնելու համար:
- Մի դիպչեք այն ապրանքներին, որոնք չեք պատրաստվում գնել:
- Մի ասեք աշխատակիցներին, թե որքան «բախտավոր» են նրանք, որ չեն կորցրել աշխատանքը:
- Մի բողոքեք ապրանքների բացակայությունից:
- Եվ մի խնդրեք աշխատակցին «ստուգել պահեստում»:
- Գանձապահի մոտ մի գանգատվեք, որ ստիպված եք հպվել տերմինալի ստեղներին: Լվացեք ձեռքերը և օգտագործեք ախտահանող միջոցներ:
- Մի փորձեք ախտահանել տերմինալը: Ավելի լավ է ձեռնոցներ կրեք:
- Ապրանքների համար այլ գնորդների հետ մի պայքարեք:
- Մի բողոքեք աշխատանքային նոր գրաֆիկի համար: Խանութները սկսել են ավելի շուտ փակվել անվտանգության նկատառումներով:
- Եթե խանութը հատուկ ժամանակ է հատկացրել տարեցների, հղիների կամ թուլացած իմունային համակարգ ունեցող մարդկանց համար, մի խախտեք կանոնները:
- Մի բողոքեք, եթե խանութը ապրանքների գնման քանակի վրա սահմանափակում է դրել:
- Սահմանափակումներն անհրաժեշտ են, որպեսզի առաջին անհրաժեշտության ապրանքները բոլորի համար բավարար լինեն:
- Կանխիկ մի վճարեք, եթե կա քարտով վճարելու հնարավորություն: Դա կօգնի նվազագույնի հասցնել վիրուսի տարածման հնարավորությունը:
- Մի ասեք աշխատակիցներին, որ նախազգուշական այս բոլոր միջոցները «անտեղի» են և «անիմաստ»: Համաճարակն իրական է:
Եվ վերջապես՝ եղեք քաղաքավարի:
Պատրաստեց Անի Գաբուզյանը
