Տպել
Ձմռանը շատերը բախվում են վիտամին D-ի պակասի խնդրին, չէ՞ որ այդ վիտամինն արտադրվում է մաշկի տակ արեւի ճառագայթների ազդեցության ներքո, որոնք ձմռանը սովորաբար շատ չեն լինում։
Ի՞նչ ախտանշաններ կարող են մատնանշել վիտամին D-ի պակասի մասին։
Բրիտանական NHS-ի տվյալներով՝ վիտամին D-ի պակասի ախտանշաններից մեկն է համարվում օրվա ընթացքում առաջ եկող հոգնածության զգացողությունը, որը մարդուն անհանգստացնում է անկախ այն բանից, թե որքան է քնում։
Մասնագետները հիշեցնում են, որ վիտամին D-ն չափազանց կարեւոր դեր է խաղում ոսկրերի եւ մկանների առողջության պահպանման համար։ Դրա անբավարարությունն առաջ է բերում ոսկրերի եւ մկանների թուլություն, ինչը կարող է խորացնել ֆիզիկական հոգնածության զգացողությունը։
Մասնագետների խոսքով՝ բոլոր մարդիկ ժամանակ առ ժամանակ հոգնում են, բայց սովորաբար հանգիստն ու քունը վերացնում են այդ հոգնածությունը։ Իսկ եթե մարդն իրեն պաթոլոգիապես հոգնած է զգում եւ այդ զգացողությունը չի համապատասխանում ծախսած ջանքերին ու չի անհետանում քնից ու հանգստից հետո, խորհուրդ է տրվում ստուգել վիտամին D-ի մակարդակը։
Հարկ է նշել, որ ցերեկը հոգնածություն կարող են առաջացնել նաեւ այլ խախտումներ, այդ թվում անեմիան, ափնոեն քնած ժամանակ, վահանաձեւ գեղձի անբավարար ակտիվությունը։
